影片
更多
2024-09-21
5966 浏览
想打邊爐又唔想買嘢返屋企整，趁今日早收工，同老公撐枱腳☺️平時食放題，最怕就係趕頭趕命，食得勁急。呢間打邊爐冇限時，可以慢慢食，我哋5:30入座，侍應好快安排入座。我哋第一次嚟食，侍應細心交代飲品，醬料位置。前菜，刺身同主菜都好快上。我哋揀咗椰子雞鍋，兩個人食，半隻雞啱啱好。不過不失，見到隔籬枱嗌酸菜魚，超大份！！我同老公都心諗，好彩冇叫，唔係淨係食完個酸菜魚已經飽晒😂到打邊爐，就叫咗個花膠美人鍋，好足料。一開始送一份牛同埋海鮮拼盤，之後就可以掃QR code自己落單。自助吧都有好多唔同食物。侍應亦都會好主動加湯，碗碟。最後仲有一杯Häagen-Dazs雪糕。整體嚟講好滿意，價錢$378+，無限時任食嚟講都算合理。最後我哋大概8:30埋單。好似唔係食咗好多，但係可以慢慢食，傾吓偈，食得都好舒服😌
想打邊爐又唔想買嘢返屋企整，趁今日早收工，同老公撐枱腳☺️
平時食放題，最怕就係趕頭趕命，食得勁急。
呢間打邊爐冇限時，可以慢慢食，我哋5:30入座，侍應好快安排入座。我哋第一次嚟食，侍應細心交代飲品，醬料位置。
前菜，刺身同主菜都好快上。我哋揀咗椰子雞鍋，兩個人食，半隻雞啱啱好。不過不失，見到隔籬枱嗌酸菜魚，超大份！！我同老公都心諗，好彩冇叫，唔係淨係食完個酸菜魚已經飽晒😂
到打邊爐，就叫咗個花膠美人鍋，好足料。一開始送一份牛同埋海鮮拼盤，之後就可以掃QR code自己落單。自助吧都有好多唔同食物。侍應亦都會好主動加湯，碗碟。最後仲有一杯Häagen-Dazs雪糕。
整體嚟講好滿意，價錢$378+，無限時任食嚟講都算合理。最後我哋大概8:30埋單。好似唔係食咗好多，但係可以慢慢食，傾吓偈，食得都好舒服😌
张贴
