Steak Bar (已結業)

之前見Steak bar放左廣告上網，見幾吸引就俾佢吸引左黎試下啲牛，又可以同朋有慶祝埋生日！環境都算ok ge！地方細細，但都唔算住得好逼好唔舒服。但如果一大班人黎食就未必咁適合喇！講返個扒先，話明叫steak bar，點可以唔試下啲牛呢？嗌左吉列炸牛扒（$188）同埋頂級板腱牛扒食（$215），兩個價錢都算中上，係銅鑼灣開鋪，咁嘅價錢都算合理嘅。吉列牛就上檯個時已經整熟左啲，略嫌有啲過熟，有啲un。而板腱牛就多左啲筋，𡁻得有啲辛苦，不過味道都ok ge！