古早牛肉麵 (已結業)

今日去深水埗同朋友去嘉頓山前到「古早牛肉麵」一試佢嘅「招牌半根半肉麵」，牛肉麵超巨大份量，多到唔係好食得曬，湯底超香濃，麵夠彈牙，牛肉完全入味，牛根炆到好林，可以一試。我朋友就叫左個「豬軟骨肉操撈麵」，同樣大大份，但係味道就欠佳，肉澡唔夠令到麵冇咩味。我地仲叫左「柯仔煎」，佢嘅味道同質感都同台灣食到嘅差無幾，幾好食，可惜係比較少柯仔。仲有個「芝士雞蛋手抓餅」，大大份，手抓餅有啲厚粉，餅內包住啲芝士雞蛋同椰菜，味道不錯，可惜太厚粉。