角落 (已結業)

台灣香腸肉燥飯（$52)又一間新開既台灣食店座落喺旺角，#角落 係一間台式cafe ，除左有肉燥飯、牛肉麵等咸食外，仲有甜品食。因為位置偏離旺角心臟地帶，喺上海街至亞皆老街交界既角落中，店名「角落」應該就係咁黎。Lunch time 叫左香腸肉燥飯，肉燥似肉醬多啲，味道唔夠仲食到少少酒味，所以我對個肉燥係一般般。不過台灣香腸就幾好食，炸過既香腸微脆又香口，唔錯，整體不過不失。🍜 招牌牛肉麵 ($52)另外叫左呢個牛肉麵反而另人眼前一亮！😍牛肉麵湯底有獨特香味，濃濃的好好飲，仲有少少微辣黎調味，淨係個湯底已經好岩我胃口！牛肉好腍肥瘦度剛好，唔會太肥膩，整體性價比高，會再返黎食！