喜鍋 海鮮‧火鍋‧小廚 (已結業)

宜家人大左，反而好少踏足旺角。今晚同朋友黎行街，發現自己已經唔記得有咩好食，最後行下行下，朋友就提議黎呢間打邊爐。醬料費每位$10，收費合理。選擇唔算多，但係都有基本嘅辣椒、xo醬、炸蒜、蒜蓉、香蔥同埋麻醬。天氣突然凍番，所以揀左個胡椒豬骨湯底，因為感覺會暖胃啲。胡椒味夠哂濃，所以鐘意胡椒香既朋友好鐘意，但我就覺得偏鹹左小小。因為個湯底偏鹹，所以我就叫左喳竹蔗茅根，分量唔算多，啱啱好夠一行四人每人一杯，朋友覺得略甜但嚐甜既我就覺得還好。咁啱全部人都唔食牛肉，所以個晚肉類就只係叫左日本黑豚肉。肉嘅塊數唔多，不過每塊都幾大塊。雖然肉質唔算好滑，但係勝在幾有肉香皇帝菜係必叫㗎啦呢度嘅菜類選擇都幾多，價錢都合理。秘製芝士墨魚丸：比平時嘅墨丸大粒好多，因為裏面包左好多芝士餡可惜價錢有啲偏貴，四粒印象中好似要$68～響鈴，應該係餐廳自己炸嘅，不過不失，不過價錢唔算貴整體黎講個晚食嘅嘢食都OK，如果個湯底冇咁鹹就更好啦，價錢方面同其他火鍋專門店相比唔算貴，所以都可以一試。