六両三 (已結業)

味道😋😋😋🌗環境😋😋😋😋🌗服務😋😋😋😋衛生😋😋😋😋抵食😋😋😋🌗今日好早就係尖沙咀出沒，好多鋪頭都未開門，但我已經好肚餓，行過宜昌街見到間食台灣牛肉面嘅鋪頭，所以就揀左佢啦。如果有留意過我某d post應該會知道我係勁唔鍾意食台灣d正餐，因為十之八九我都覺得唔好食。可能你會問我點解揀佢，因為是黃店，要支持一下。我好鍾意間鋪裝潢，以台日嘅古典設計，感覺好舒服同寧靜嘅感覺。今日叫左個牛三寶面同白桃烏龍茶牛三寶就唔係牛歡喜個d,係紅燒牛肉、牛舌同牛筋。佢個湯底望落好濃，但飲落就唔算濃，可能本身我個人比較重口味🤣佢牛舌做法就似做牛展一樣，所以睇落會以為係牛展黎，食落唔錯。紅燒牛肉好大舊，咬落唔韌，做得唔錯，味道都可以，而牛筋好正，夠晒彈牙，煮嘅時間岩岩好。麵嘅質素都好好，份量唔算好多，不過加埋牛嘅量就岩岩好了！一般黃店都會落得難食嘅評語，不過依間嘅味道我覺得唔錯，可以再去食過，只係價錢比較貴左d，今次埋單＄117，仲要有限時40分鍾嘅規定（不過應該係繁忙時段先咁！）總括黎講，可以再次返食，不過要揀d冇咩人時間，如果唔係會排好耐同食得急。