蕎道樂居酒屋 (已易手) 新餐厅

今日同朋友約出黎去食lunch,在銅鑼灣廣場一期直行，見到有間日式餐廳在地庫。行到入去，兩個人就搵位坐。坐咗一陣，侍應就俾左兩杯水同餐牌俾我地。感覺到佢地好有心招呼我地。之後我地望下個餐牌：由於我病嘅關係，所以所有生冷野都唔叫。咁我就叫左帆立貝定食。三文魚刺身，由於病嘅關係我無食，但眼見佢三文魚片都算係厚身，色澤為鮮橙色：脂肪比例平均：沒有太多白色嘅脂肪。我問朋友口感如何。佢話唔硬身，無雪氣。鐵板帆立貝，有青椒、黃椒同洋蔥做伴菜：帆立貝放嘌係面。個汁甜甜地，唔太稠身但又唔稀。證明佢無落好多豆粉做茨汁。個汁撈到啲菜都幾均勻。青椒同黃椒食落去都爽口。無炒到過火而太老。帆立貝方面，我想讚一讚廚師。帆立貝放在菜上；可以避色鐵板嘅熱力太快傳到帆立貝。減低帆立貝嘅肉會變老嘅機會。帆立貝仲保留住帶子裙邊，好彈牙。食帆立貝肉就覺得唔癡牙。炸豆腐先張豆腐炸到少少金黃色。呢隻豆腐係硬豆腐，加上佢沾蛋漿唔太厚。餐具方面，擺放都整齊，有牙纎、七咪粉、日本豉油。而且檯面都乾淨。餐廳裝修方面，主要用楓木。檯用楓木做而櫈用黑色桃木，做一個對比。由於燈光用淡黃燈，感覺好柔和。