車仔麵之家 (已結業)

今日lunch約左幾個女同事一齊係公司附近食車仔麵，柴娃娃甘一路傾一路行過去春園街果邊！過去等左幾分鐘好快有位，呢度係自助形式的賣買，先付款後取餐！我地都超肚餓，叫左好多餸，最便一個加$8蚊，最貴+$11，價錢算合理！我叫左韮菜豬紅，雞翼尖，豬大腸，豬手，生菜，滷水腎，加$6飲品，再加上小辣先好味！之後再叫咖哩魷魚同甜酸齌！人多食野好處可以互相交換食物果d餸全部滷得好入味，特別要讚豬手滷得食完一點也不膩，豬大腸洗到冇物肥膏，而咖哩魷魚個醬帶點辣味，非常惹味，而我同事叫左粉腸，大家都係第一次食車仔麵會有粉腸叫，好驚喜食完大家都話一點口渴成份都冇，證明冇味精，好值得下一次再去