Bove x Modos (已結業)

平時見到好多人都唔想等，難得今日見人少少走入去試下。之前喺深水埗分店食過唔流心的流心蜂蜜雞蛋仔好失望，所以今日點左$45雙重芝士疏乎厘班戟嚟試！等候時間係20分鐘左右，想醫肚的話就唔建議食喇！有兩件班戟，一鹹一甜，鹹嘅芝士拉唔到絲，甜嘅好似變壞咗咁酸味好重，食完覺得好膩，無特別🤦🏻‍♀️，又再一次失望！服務方面，其實係冇服務可言，兩三個年輕店員，一直傾偈講粗口，唔會再試了！