HIKARI

位於荃灣西一個小角落嘅兩層cafe，餐廳兩層都用左大玻璃窗，引入左好多自然光，整體感覺好舒服，叫杯咖啡，打開電腦又或者開一本書，可以享受一整日。雖然今日只係黎食lunch，但係呢一個悠閒寫意嘅me time，要好好享受一下。自選三文治蕎麥酸種麵包配蒜香蛋黃醬配料係蟹肉同三文魚酸種麵包好有咬口，加埋蒜香醬香氣一足，蛋黃醬加蟹肉同三文魚呢一個百搭款。最開心就係蟹肉份量好多，基本上每一啖都會食到蟹肉。蕎麥酸種麵包配自家製芝士醬配料係炒蛋、炒雜菌同樣酸種麵包好出色，自家製芝士醬有驚喜，食落豐富芝士味之餘唔算好膩，加埋勁嫩滑炒蛋同雜菌，好好味。𝘾𝙤𝙞𝙣𝙩𝙧𝙚𝙖𝙪 𝙇𝙖𝙩𝙩𝙚 君度橙酒鮮奶咖啡咖啡底唔錯，唔係炭粉咖啡，而且奶量岩岩好，加入君度橙酒，淡淡既花香同果香，隨後散發住濃厚既柑橘風味，但同時又能保留到咖啡味。整體黎講，CP值都幾高，最正係整體餐廳嘅感覺好寫意舒服。