影片
更多
2018-08-22
108 浏览
老友升職加薪,當然要食餐好慶祝下, 食得好又要豪, 日式鐵板燒應該係一個不錯的選擇吧.其實之前喺openrice search 港島區日本菜, 都留意到鈇人旨花一直都人氣高企, 眼見佢有幾百個好評, 真係豪無懸念地選擇咗佢.我同老友去食飯當日係星期二晚上, 餐廳位於銅鑼灣中心地帶, 位置好容易就搵到.餐廳喺肇明大廈2樓, 需要上樓, 但正正因為上咗樓, 好適合做呢一類高級日式鐵板燒, 因為夠晒寧靜, 可以俾客人慢慢, 靜靜地享受一餐晚飯.入到餐廳見到一張長長嘅bar枱. 應該係食廚師發辦omakase 時用嘅長枱. 行入少少轉一個彎就嚟到食鐵板燒嘅位置. 總共有三張食鐵板燒嘅半圓形枱, 每張枱各有一個廚師即場煮食, 坐滿的話大約一枱坐到7-8個人.我哋被安排坐到最入面的一張枱, 負責廚師係貓師傅. 師傅好有禮貌又好笑容, 我仲覺得佢好親切. 後來我發現佢有少少似TVB個藝人李龍基, 不過係瘦版!!!我哋Order 左個伊勢海老鐵板燒二人前, 套餐食品都好豐富好有睇頭架. 有兩款前菜啦,五款主菜仲加個甜品.前菜呢分別係wasabi 酸汁沙律同埋燒半熟帶子. 個沙律外表睇落普通, 都係常
其實之前喺openrice search 港島區日本菜, 都留意到鈇人旨花一直都人氣高企, 眼見佢有幾百個好評, 真係豪無懸念地選擇咗佢.
我同老友去食飯當日係星期二晚上, 餐廳位於銅鑼灣中心地帶, 位置好容易就搵到.
餐廳喺肇明大廈2樓, 需要上樓, 但正正因為上咗樓, 好適合做呢一類高級日式鐵板燒, 因為夠晒寧靜, 可以俾客人慢慢, 靜靜地享受一餐晚飯.
入到餐廳見到一張長長嘅bar枱. 應該係食廚師發辦omakase 時用嘅長枱. 行入少少轉一個彎就嚟到食鐵板燒嘅位置. 總共有三張食鐵板燒嘅半圓形枱, 每張枱各有一個廚師即場煮食, 坐滿的話大約一枱坐到7-8個人.
我哋被安排坐到最入面的一張枱, 負責廚師係貓師傅. 師傅好有禮貌又好笑容, 我仲覺得佢好親切. 後來我發現佢有少少似TVB個藝人李龍基, 不過係瘦版!!!
我哋Order 左個伊勢海老鐵板燒二人前, 套餐食品都好豐富好有睇頭架. 有兩款前菜啦,五款主菜仲加個甜品.
前菜呢分別係wasabi 酸汁沙律同埋燒半熟帶子. 個沙律外表睇落普通, 都係常見嘅沙律菜, 不過菜同車厘茄都夠新鮮. 值得一提嘅係個沙律汁的確做得幾好, 酸酸地好醒胃, 輕輕嘅wasabi味, 唔會太搶. 做開胃前菜真係一流.
另外一款前菜係將刺身帶子燒到半熟, 外面有微微的焦黃色, 軟滑又香甜, 旁邊仲有幾粒一咬即爆嘅魚子, 兩種剌身都好新鮮!
一路食緊前菜嘅時候, 一邊欣賞貓師傅為我哋準備下一道菜, 其實真係幾享受架.
貓師傅其實都幾忙, 好似我哋坐果張枱咁, 總共有三組客人, 師傅要因應每組客人進食嘅進度而準備食物, 好似我哋咁, 食完前菜無耐就有第一道菜食, 時間掌握得準確!
我哋第一道菜係海膽汁煮龍蝦, 隻龍蝦由廚房捧出嚟嘅時間雖然已經開邊, 但仍然係好生猛, 仲郁嘅. 睇住貓師傅一開始壓住隻龍蝦去燒, 再以熟練晒技巧去拆肉, 再將龍蝦肉切粒, 另一邊又用個pan煮海膽汁, 最後將部份海膽汁加入龍蝦肉快炒, 剩餘嘅醬汁就用嚟做伴碟, 最後又以龍蝦觸鬚同玫瑰花做點綴, 成件事就係美感視覺嘅享受.
同樣地, 當我哋品嚐緊個龍蝦時, 貓師傅又已經準備緊下一道菜. 師傅忙緊, 其實我哋都唔係好得閒, 一方面欣賞師傅技術, 一方面又為食物影相, 仲要捕捉下貓師傅煮食嘅英姿, 相機食完, 自己都要食.講番呢道海膽汁煮龍蝦, 真係幾好食. 龍蝦肉夠彈牙, 調味不多, 只係簡單幾粒鹽, 不過個海膽汁就真係完全令成道菜嘅味道提鮮, 唔知道師傅加咗D咩去煮, 海膽汁好軟滑, 味道好濃, 好正!
第二道菜係汁煮東星斑, 見師傅預先將魚皮起咗出嚟, 將魚皮燒到乾身脆口擺埋一邊, 然後再開始慢慢燒魚肉, 另一邊廂又開始煮個醬汁, 見 師傅將d 洋蔥焦糖化就令我諗起平時成日食嘅滑蛋豬扒飯. 等咗一陣, 東星斑魚柳終於上枱喇, 頭先燒脆咗嘅魚皮, 師傅都用佢嚟做埋裝飾. 唔駛多講, 東星斑本身調味不多, 不過鮮味十足. 就咁係鐵板到都可以燒到火喉剛剛好, 魚肉剛熟仍然嫩滑, 仲有塊魚皮, 脆口程度就好似炸魚皮咁, 但食落一D油膩感覺都無, 呢道菜係我全晚最鐘意最欣賞嘅!
跟住落嚟就係我最期待嘅熊本懸A5和牛, 我唔記得問師傅和牛屬於咩部位, 不過面前嘅和牛扒油脂分佈均勻, 色澤紅潤, 真係睇見都流口水. 師傅首先問我哋想食幾多成熟, 然後再因應我哋嘅要求去燒. 和牛上枱時, 碟嘅旁邊有好多其他配料, 師傅逐一為我地介紹, 話俾我哋聽各種配料進食嘅次序. 和牛油脂好香, 每一啖都係guilty pleasure, 對我呢個牛魔王嚟講, 牛味略嫌不夠重. 但值得一提係旁邊嘅獨子蒜片, 蒜片比較大瓣, 香味同一般蒜頭一樣但食落味道就相對溫和, 無咁濃烈, 我最鐘意呢個獨子蒜, 食晒咁多片都唔會口臭!!!
再下一道菜就係和牛炒飯, 師傅係塊鐵板不停炒,而且因為炒飯嘅材料, 例如紅蘿蔔、蔥粒、和牛等都切到如飯粒一般幼細, 加埋師傅嘅手勢, 所以真係炒到好均勻. 食落去嘅時候, 每一啖都有齊所有配料, 飯粒雖然係用出名黏性強嘅日本米, 但絕對唔會話痴埋一舊, 我覺得佢真係炒得好過好多中式酒樓嘅炒飯.
最後一道菜清酒煮蜆真係好似睇表演咁, 師傅首先用個金色錫紙兜裝起D蜆, 加D清酒再點火, 成個金色錫紙兜就即時火光熊熊, 好鬼吸睛! 食落去真係好有酒味, 好多時喺其他餐廳叫呢道菜都會失望而回, 因為多數都係唔多覺有酒味, 更差嘅甚至係好似白洽咁, 但今次呢個真係好正, 啖啖酒味唔會嗆喉, 又食到蜆嘅鮮味. 一流!.
最後最後, 又點可以無甜品, 我叫咗個清酒雪糕, 朋友就叫咗個柚子sherbet, 就正如全晚其他菜式一樣, 甜品一樣無令我哋失望, 清酒雪糕有濃濃酒味, 不會太甜. 柚子sherbet就甜少少, 不過配合sherbet嘅輕盈, 完全無膩嘅感覺!
至於整體用餐感覺, 我只能用「享受」來形容, 視覺上, 味覺上, 環境以至服務都係一流嘅體驗, 好難忘, 難怪成晚食飯, 都見到唔同嘅客人選擇係到慶祝佢哋嘅特別日子!
张贴
