坐忘 (已搬遷) 新店位置

山長水遠新界出港島，點都要搵下有咩好食，咁先唔好哂左車錢出去。講番坐忘，其實佢就係天后某出名burger店隔離。朋友見到門招牌係英文，就以為係食西餐😂我話係食日本野，個名唔係重點黎。我地兩個齊齊叫左豬軟骨七小時煮丼，另加烤雞同醬汁糖心蛋。成碗飯望落好田園style😌而且豬軟骨係原條上架，呢個真係冇諗過😶豬軟骨經過多個鐘炆煮，肉已經軟腍而不爛，軟骨變得透亮，骨膠原係口中回盪。豬軟骨肉汁炆得淋漓盡致，精華全部冇流失。至於烤雞加15蚊先有2件，可能有人會覺得貴左啲，但食完應該就會改變想法。我見烤雞唔肥膩，而且雞肉嫩口，烤得唔燶又香，連埋菜食，田園指數滿分😀糖心蛋一般，可以整得透亮啲就好，味道可以甜多少少，咁就very good啦。