蝦蝦燒

营业中

休息中

好耐冇食燒烤，今次去蝦蝦燒真係食到開心！仲有一蚊打邊爐，有三款湯底:蕃茄、豬骨同麻辣，食物種類多到眼花，海鮮必然係主角。生蠔一咬下去，肥嘟嘟又滑，邊緣燒得脆脆，加埋蒜蓉辣椒油，鮮甜中有少少辣味，真係好味！豬大腸外脆內嫩，咬落去即爆油香，孜然同辣椒粉調得好惹味，油淋淋嘅根本停唔到口。羊肉串肥瘦相間，炭火滋滋響，肉質juicy，配上孜然粉，香噴噴。牛肉串外焦內嫩，咬下去肉汁四溢，啤酒一啖，正！最後係雞軟骨，金黃酥脆，每啖都咔啦咔啦響，椒鹽同七味粉令我食到不停。鮑魚燒得彈牙，帶點焦香，甜甜地仲有蒜蓉味，食完好滿足。