史丹利餐廳 (已結業)

大角咀好多餐廳，今次試下西餐，新開張有8折。款式中等，唔算特別多。叫完主菜，侍應送上餐湯＆面包，免費的。今晚係菠菜忌廉湯，正常味道，只係比較淡。芝麻包唔夠軟熟，好在牛油唔係用cheap野。主菜叫咗【軟殼蟹意大利飯】，份量細咗d。一隻軟殼蟹，炸皮都脆既，但有dd油益味。飯又係好淡，冇味，見到芝士拉絲，但食唔出任何奶味cream味。飯入面有少量雜菇，旁邊有少少菜。另外要咗【燒豬助骨拼雞翼】，重點黎喇！一切開，仲係生的，中間全部都係紅色。通知侍應未熟，佢同廚房講，我地嫌生，真係想反問，豬點生食?煮多10分鐘再拎黎，一咬，勁鞋勁靭，得面頭d汁有味，入面的肉一d味都冇。雞翼係瑞士汁，但都係好鞋，冇肉汁。之後聽到侍應同隔離枱講，佢地主打慢煮，但餐牌只有牛肉寫住係慢煮。如果佢地主打慢煮，點解唔知豬助骨要煮幾耐先熟呢? 俾生的食物客人係非常唔ok。雖然佢有8折，但上菜慢，味道份量都唔ok。第一次俾負評餐廳，唔會再試，大角咀大把好餐廳。P.S. 臨尾我叫咗埋單，佢叫我出去睇睇有冇甜品岩心水，但我地已經冇興趣食，唔知係咪同餐湯面包一樣，都係免費。