影片
更多
2007-11-25
24 浏览
話說新開張, 想試食好耐, 上個星期六WALK IN諗住開齋, 7點幾左右去到, 點Q個RECEPTION 已經話枱FULL晒, 叫我地下次不如BOOK位啦! 好啦, 今個星期六BOOK左位, BOOK咗8:30PM, 點知原來BOOK枱又係要等, 見到好多人攞飛等位已經有得入, 無耐我BOOK左位重要等? 不明白, 同時眼見內邊好多吃飽的人已埋單離場, 10幾個人出, 竟然都無一張吉枱招呼我?? 百思不得其解!! 經過三番四次甘催個RECEPTION, 終於帶我地入去, 入到去簡直係嘆為觀止, 原來有好多吉枱, 至少佔20%是無人坐, 心想不知是否這間食肆想營做出大排長龍既效果, 坐低後才是惡夢既開始.如果你對眼係成水平線甘望, 或者抬高頭45度角, 應該沒問題, 裝修都OK, 但如果你一不小心向下望, 真係會嚇親, 原來腳踏既地毯係十分之恐怖!!!! 毛粒飛脫得十分之嚴重, 聽RECEPTION說地毯是用上100% 羊毛製, 故有此情況, 咩話?! 用羊毛做地毯, 小弟還是第一次聽, 就算真是100%羊毛, 那真是敗北之作!! 毛粒係地下還可以, 嚴重既係你枱上餐巾同食具都會發現毛
如果你對眼係成水平線甘望, 或者抬高頭45度角, 應該沒問題, 裝修都OK, 但如果你一不小心向下望, 真係會嚇親, 原來腳踏既地毯係十分之恐怖!!!! 毛粒飛脫得十分之嚴重, 聽RECEPTION說地毯是用上100% 羊毛製, 故有此情況, 咩話?! 用羊毛做地毯, 小弟還是第一次聽, 就算真是100%羊毛, 那真是敗北之作!! 毛粒係地下還可以, 嚴重既係你枱上餐巾同食具都會發現毛粒既存在, 地毯毛粒飛到上枱, 極之不衛生!! 個WAITER 之後重想為我披上餐巾, 你真係唔好亂黎, 你擺係我個身我真係殺左你都似! 即刻叫佢將餐巾放底!
係點菜其間, 你唔叫WAITER, 佢真係唔會行埋黎, 水茶都無一杯, 要開口叫佢先問你飲乜, 小弟同另一位友人點了四道菜, 一個雞湯, 一個炒時菜, 一個蟹粉炒伊麵, 一碟生炒骨, 因為小弟不是每一種蔬菜都食, 故落單已問時菜有乜菜, 本應叫左個經理落單, 個經理好眼利甘見到個RECETION姐姐行過, 就叫佢幫我地落單, 我問佢時菜有乜菜, 佢回答有生菜同白菜~ OK, 開正我果飯, 不甚為意落左一碟同其餘的三道菜~
第一個黎既係雞湯, 味道比較淡左D, 而且雞湯用茶壺裝, 食入邊D湯渣比較煩, 因為倒唔到出黎, 同時發現原來茶都未到, 故又問WAITER開左茶好耐都未黎, 湯飲完, 茶先黎, 一個WAITER放低後叫另一個WAITER幫我地湛茶, 點知另一個WAITER唔係幫我地湛茶, 佢一黎就拎走壺茶, 同我換左壺滾出返黎!!!!!! 其景, 唔知佢係到做乜, 之後我地又要叫另一個WAITER 幫我地換返壺茶返黎, 入去半個鐘都無茶飲.
第二碟黎既係蟹粉炒伊麵, 賣相同肉醬意粉有點相似, 味道不算差
第三碟先至係經典既炒時菜, 白菜生菜乜都無, 得西蘭花, 瓜, 豆! 全部我都唔食, 即同WAITER解釋, 個WAITER又去同經理講, 個經理聽完就算-_-“我地再叫第二個第三個WAITER叫佢CANCEL佢, WAITER話可同我地轉剩炒生菜, OK! 其實幾款菜, 到最尾得返一款生菜, 都有D唔甘心, 不過算, 唔想同佢爭論. 碟菜終於黎, WAITER問我地係咪叫左炒白菜, 我地打左個”凸”, 唔係生菜咩, 佢放底後我地安心好多, 因為係生菜來的, 但個WAITER連白菜同生菜都唔識分就有點兒那個…..
最尾黎個生炒骨, 味道沒大問題, 只不個小弟有點熱氣, 剩下一大半無食.
同場加影小插曲, 眼見WAITER執一張枱來回4次都未執完, 執下一場, 又走去報下隔離果張, 報左幾十分鐘, 點知放棄, 去做其他野, 難怪出面D人要等甘耐!
洗碗部門同事眼見無野做, 出黎樓面揾碟揾布入去洗, 一大其景!
最後叫了一道甜品, 也等了15 –20分鐘以上…..
整體黎講唔會再有下次, 貼錢買難受
张贴