新釗記 (已結業)

新釗記呢個茶餐廳名對好多人黎講相信唔會陌生，好似好多分店，但係其實係唔係集團經營，都唔同老闆嫁，我都係而家先知，我都係食過1-2間，但始終都係灣仔呢間最啱我口味👍🏻因為佢哋既沙嗲牛肉真係做得好，唔會係沙茶醬溝牛肉，唔會係花生味多過沙嗲味既沙嗲醬，總之就係我自己覺得啱口味既沙嗲牛肉啦🤣仲有佢哋既麵食都好食，由其係個大地魚湯底，你話係味精湯都係咁話喇，而家有好多只賣麵食既舖頭都無做到有佢地個湯咁濃郁，可能我個人口味奇怪啦，但係我覺得既然選擇得飲味精湯，就要有味道囉😂沙嗲牛肉菜遠炒河，不包飲品$60，佢地既凍檸茶都掂嫁，我午餐之選👍🏻豬手麵，牛筋河麵食之選大地魚湯底，食麵食既時候，我會要多一碗黎飲🤤沙嗲牛肉煎蛋麵，我既固定早餐，要小湯，如果唔係就沖淡晒啲沙嗲味