影片
地道粥面茶餐厅 😎屹立 湾仔 已经超过 15 个年头的新钊记，佢哋嘅粉面饭向来几闻名，难得今天放假，行经呢头就梗系要入去支持吓啦 ! 👍餐厅环境不过不失，尚算整洁，不过听啲伙记讲，上星期有食客无用 安心出行，佢哋被查牌，所以呢排都系做到 18:00 就要关门，暂时无得做晚市，好悲 ! 🥲都好耐无嚟新钊记了，记忆中呢度嘅收费颇为进取，但估唔到佢哋嘅下午茶 [ 粉面饭 ] 餐又几抵食㖞 ! 😋下午茶餐 共有 8 个选择，每款只系 $48 另包热饮，但今天实在太热，所以我就加多 $3 改饮冻柠茶，主食就拣佐 干炒牛河。🐂等佐 10 分钟左右食物已上台，热辣辣兼香喷喷，睇见已经食指大动。🤗河粉口感细软，豉油味香浓，洋葱极爽甜，牛肉非常嫰滑，碟头亦唔细，完全炒到大排档嘅效果，镬气十足。🤤呢碟 干炒牛河 我比 90 分，唔系卖广告，真系正到无朋友，必定有下次。❤️🧡💛
继续阅读
晚市套餐：$78，包埋例汤，饭🍚🍚🍚例汤不会太咸，味道不错，感觉只有少少味精😀其实主菜份量不算多，性价比一般，但味道不错，芥兰不会苦，也有咸咸香香的肉碎衬托！至于白饭方面，很有咬口，好吃！👍这个𩠌菜份量较多，性价比较高，但胡椒味不重。猪肚不错👍鸡肉颇为失望，虽然份量多，但肉质一般，不够嫩滑，也无乜鸡味🥲整体来讲，味道不过不失！值得欣赏和称赞的是店员好有礼貌、友善，服务态度好！👍👍👍
继续阅读
啫啫芥兰煲上枱热腾腾够惹味，芥兰爽脆，肉燥虾米粒爆蒜子香味扑鼻，食指大动加肚饿，白饭也爬多几口，这味有水准！👌✌🥢味菜猪肚鸡煲猪肚够淋够软滑，鸡球有味够香，加埋汤浓好饮，味菜教人胃口大开，两个白饭未够皮，要连汤底都吃光！这顿晚饭，菜式虽然普通，但却大快朵颐！招待阿姐礼貌周周，抵赞！🤞🤞❤
继续阅读
一切已成往事，往事只能回味！收银又寸，自己收错数仲话人。上次食沙嗲牛通，佢就上碗清水牛肉通。叫佢换，厨房一句话冇，就焗住食，收三十几。今次食牛腩河，唉，味道既野，只能回味。细个食既味道同情怀都不在。
继续阅读
曾几何时新钊记嘅招牌遍布港九各处，当然其中是同一老板定系老番附庸风雅谁会在意？！食客只会在意嘅系食物资素！系香港地早餐时间想快、靓、正嘅选择更系茶记嘅出品。早餐 C 公仔面餐～ 自选沙爹牛肉并雪菜肉丝汤米粉碗米粉上枱目测油淋淋，沙爹牛肉入口感觉用”师傅”腌到滑潺潺，煮雪菜肉丝落咗过量浆粉水搅到一pat 咁，唯一可取的是够热！跟杯热奶茶卖 $35 值唔值得真系见人见智。。。热奶茶合格综合嚟讲只系一间 Hea 住做嘅茶记，唉、一蟹不如一蟹。。。
继续阅读