影片
更多
2015-09-10
1111 浏览
星期三既一個下晝,係長沙灣整完電腦,見肚餓就想食野。回想起係日本食沾面,返到香港又想回味一下,就上黎睇下附近有咩面舖,一搵就見到呢間。佢三點鐘就會落場,望一望隻錶見到二點半,好彩趕得切。叫左個醬油味既沾面,入面依然有拉面三神器:叉燒,糖心蛋同竹筍。碗面上黎啦,一層紅紅既油浮左上黎已經聞到一陣濃濃既蝦香。係日本食既沾面面底係凍既,而湯係熱既,因為沾面本身既發明就係為左打工仔趕時間而快速進食。沾面本身既特色係個面底彈牙,因為個面過過冷河,但係呢個面暖暖地就應該無過過冷河,所以口感並不彈牙。講下隻蛋,糖心蛋要做成流心溫度控制係十分重要,而佢就將隻蛋放係熱湯當中,救唔切令到個蛋心實左同埋得蝦味。日式叉燒本身豬肉味濃,而呢到叉燒半肥瘦,厚度適中,有口感,但係佢將塊叉燒放入個湯到,蝦味搶埋豬肉味。個湯滿滿既紅色,上面浮左一層滿滿既紅油同櫻花蝦。將面一沾湯,放入口就有濃濃既蝦味,好香,比蝦膏更重蝦味。面吃完之後,跟返傳統加湯之後飲沾面汁,但係佢加左湯之後個湯依然太過鹹同太多油,飲左少少就頂唔順。總結,如果你好鐘意蝦既話呢間拉面會好啱你心水。我既感覺就好似個標題咁,成碗面得一個主角-蝦,而其他配角既戲
星期三既一個下晝,係長沙灣整完電腦,見肚餓就想食野。
回想起係日本食沾面,返到香港又想回味一下,就上黎睇下附近有咩面舖,一搵就見到呢間。
佢三點鐘就會落場,望一望隻錶見到二點半,好彩趕得切。
叫左個醬油味既沾面,入面依然有拉面三神器:叉燒,糖心蛋同竹筍。
碗面上黎啦,一層紅紅既油浮左上黎已經聞到一陣濃濃既蝦香。
係日本食既沾面面底係凍既,而湯係熱既,因為沾面本身既發明就係為左打工仔趕時間而快速進食。沾面本身既特色係個面底彈牙,因為個面過過冷河,但係呢個面暖暖地就應該無過過冷河,所以口感並不彈牙。
講下隻蛋,糖心蛋要做成流心溫度控制係十分重要,而佢就將隻蛋放係熱湯當中,救唔切令到個蛋心實左同埋得蝦味。
日式叉燒本身豬肉味濃,而呢到叉燒半肥瘦,厚度適中,有口感,但係佢將塊叉燒放入個湯到,蝦味搶埋豬肉味。
個湯滿滿既紅色,上面浮左一層滿滿既紅油同櫻花蝦。將面一沾湯,放入口就有濃濃既蝦味,好香,比蝦膏更重蝦味。
面吃完之後,跟返傳統加湯之後飲沾面汁,但係佢加左湯之後個湯依然太過鹹同太多油,飲左少少就頂唔順。
總結,如果你好鐘意蝦既話呢間拉面會好啱你心水。我既感覺就好似個標題咁,成碗面得一個主角-蝦,而其他配角既戲份就比主角搶曬。
蝦汁醬油沾面
$78
38 浏览
0 赞好
0 留言
张贴
