影片
更多
2014-08-12
4484 浏览
已經好耐冇去Manzo 食brunch, 記得約一年前係冇咁貴...現在已加了價 . 也難怪, Times Square 嘅租金相信一年一年上漲~今日一如以往, 唔洗訂位, 一去即有位. 印象對上一次黎, 食物係麻麻, 總算食得飽.今次再比多次機會試下~前菜種類足夠, 如果只食前菜其實都己經夠飽但人總是貪心的, 明知飽都總要試埋主菜最後就決定要2個和家人黎個開心share~Manzo's Sirloin Steak Lunch & Buffet ($248)和Manzo's Burger Lunch & Buffet ($218)可以試齊2種主菜 出去farm table, 所有buffet 可拎嘅食物已放喺上面想知道buffet 有咩, 可以參考返上面個餐牌Refill 都好快, 所以都唔擔心食唔到其中一啲搶手貨搶手貨係咩? 就係Parma Ham 同三文魚~點解Parma Ham 及三文魚係最搶手?因為三文魚喺超市唔理質素閒閒地都六,七十蚊幾片Parma Ham 仲貴, 分分鐘幾片都成百蚊今日所吃的材料, 感覺好新鮮. 前年黎食, 覺得每樣食物都一般 Parma Ham 雖然
記得約一年前係冇咁貴...現在已加了價 .
也難怪, Times Square 嘅租金相信一年一年上漲~
今日一如以往, 唔洗訂位, 一去即有位.
印象對上一次黎, 食物係麻麻, 總算食得飽.
今次再比多次機會試下~
前菜種類足夠, 如果只食前菜其實都己經夠飽但人總是貪心的, 明知飽都總要試埋主菜
最後就決定要2個和家人黎個開心share~
Manzo's Sirloin Steak Lunch & Buffet ($248)
和Manzo's Burger Lunch & Buffet ($218)
可以試齊2種主菜
出去farm table, 所有buffet 可拎嘅食物已放喺上面想知道buffet 有咩, 可以參考返上面個餐牌
Refill 都好快, 所以都唔擔心食唔到其中一啲搶手貨
搶手貨係咩? 就係Parma Ham 同三文魚~
點解Parma Ham 及三文魚係最搶手?
因為三文魚喺超市唔理質素閒閒地都六,七十蚊幾片
Parma Ham 仲貴, 分分鐘幾片都成百蚊
今日所吃的材料, 感覺好新鮮. 前年黎食, 覺得每樣食物都一般
Parma Ham 雖然唔係深紅帶有鹹香那品種,
但總算味道尚可, 以蜜瓜配有嫌肉太淡味,
配半脆法包尚算食出塊Parma Ham 味道
Buffet 個湯今日係 蘑菇湯, 雖然蘑菇味唔係太之濃, 但好creamy
另外仲有香草味, 感覺同一般西餐的不同
價得嘗試, 更何況驚飽可以拎細碗啲
食完前菜, 可以話都8成飽但落咗order唔食唔得~
首先上枱係 Burger,
漢堡扒好厚身起碼有1.5cm厚,
上面有層芝士再加煙肉~
因為大厚, 所以冇可能成個食
唯有拆件食, 牛肉好厚唔乾身,
但冇咩牛味, 連調味既味道都冇
反而煙肉因為唔肥, 比較瘦, 但切得開唔硬
又唔鹹, 所以好有驚喜
旁邊有碗仔蕃茄, 洋蔥和生菜~
蔬果方面竟然無比新鮮
而麵包方面很鬆軟
到 西冷扒出場啦~Manzo嘅扒係用炭火燒的,
今次有進步的是表面冇前年所食的咁燶
而且牛扒亦都冇咁多筋~
但就肉身比較乾, 同埋又係牛味唔濃,
照理西冷部位係比較重牛味
不過...少了筋和冇咁燶已經進步了好多
同埋最緊要係Medium 都冇過火
最後無論幾飽都好, 都要食埋個甜品...但戰鬥力減弱到咁低, 出到去都唔敢拎咁多
不知是不是甜品師父當日重手咗,
檸檬批酸到真係盲人都開眼
我平時本住拎咗返位嘅食物一定要食清,
唔可以浪費, 但呢個真係酸到令我投降
Tiramisu 強烈推介,
表面的朱古力粉沒有Chok喉感
而內裡蛋糕部份吸收的咖啡加冧酒恰到好處
芝士奶蛋醬部份又唔會好甜
香味加埋唔會太濕太乾, 食落喉嚨好舒服
貴貴牌子餅店的Tiramisu都試過, 但甜度太高
真係食過咁多Tiramisu , 呢個算是最高享受 ~
可能戰鬥力下降到極點, 真係再食唔到下次記得食半自助buffet 真係要留一留肚
凡事太盡 緣份勢必早盡..
题外话/补充资料：
Manzo如果以一間扒房掛名, 牛扒仍未合格, 食完發覺無論漢堡扒或西冷扒都唔夠牛味, 不過前菜做得非常成功, 可以一試$148 buffet.
(以上食记乃用户个人意见 , 并不代表OpenRice之观点。)
张贴
