Poke Go (大南街)

营业中

休息中

如果你鍾情日本壽司及日式小食，又想自創特式飯，喺深水埗呢間餐廳，必定符合以上要求。由主菜、飯底、配菜及調味醬料都可以自己搭配。我選咗八爪魚配壽司飯及珍珠糙飯(各半)，配菜揀咗酸蘿蔔、芝麻海帶及蟹籽，加上果仁醬、脆蒜、木魚絲、紫菜絲及辣椒碎。整個飯嘅顔色配搭及造型好吸引，食落充滿驚喜，不同嘅口感，有爽脆，有煙韌；不同嘅味道，有清新，有鮮甜，絕對沖擊你的感覺。你更加不要輕視它的份量，絶對飽肚。再order小食“火山炸雞”，顧名思義，即係有辣味嘅炸雞。粒粒雞肉，冇骨，醃得夠味，炸好熱辣辣，顔色金黃，加上惹味醬汁及辣椒碎，一啖一口，非常香酥鬆脆。餐廳仲有供應其他日式小食，留待下次吧！