影片
更多
2011-10-29
44 浏览
今日一班同事相約 lunch 飲茶，為左慳時間就由一位同事先去攞位及點菜，估唔到依位同事既飲食習慣都幾另類，跟我地一向 order 開既有啲唔同喎，幾有趣，哈哈 ﹗點心少，而重碳水化合物、重殿粉質。黑椒豬大腸，好似嗅嗅地咁喎，好驚呀 ﹗而個黑椒汁真係太過杰喇，一舊舊咁，影響味道同口感。鹽燒秋刀魚，比想像中好食，係廣東茶樓叫日本魚食 ﹗細 size，唔夠肥美。魚味濃，質地較實淨，肉汁豐富，加埋鮮檸汁提味，好食 ﹗不過同事居然 order 左 3 碟共 6 條，食唔晒喇。椒鹽豆腐，求其係面度灑啲椒鹽就當係喇？﹗起碼都要青椒、洋蔥、辣椒加椒鹽落鑊兜吓佢麻，依家毫毛鑊氣，邊好食架。外層軟腍腍，炸得唔脆，唔香口，裡面就夠晒滑，但好淡、無味囉。裹蒸糉，免免強強啦，蛋黃咸香不足，亦無黃油可言，咸肥豬肉不夠鬆化，麻麻地。總括黎講味道好寡，似食緊綠豆糯米團。鮮蝦腸粉，粉皮粗糙又厚身，用肉眼都睇到啦 ﹗所以唔滑囉 ﹗蝦夠鮮爽，還可以。京都肉排，無咩特別，酸甜適中，質地夠腍，唔錯。杞子什菌浸筧菜，唔夠熱啊 ﹗上枱只係暖暖地，仲要係冷氣地方，轉頭已凍冰冰。好清淡既菜式，筧菜清甜又爽口，已好好味。腐乳通菜，好明
黑椒豬大腸，好似嗅嗅地咁喎，好驚呀 ﹗而個黑椒汁真係太過杰喇，一舊舊咁，影響味道同口感。
鹽燒秋刀魚，比想像中好食，係廣東茶樓叫日本魚食 ﹗細 size，唔夠肥美。魚味濃，質地較實淨，肉汁豐富，加埋鮮檸汁提味，好食 ﹗不過同事居然 order 左 3 碟共 6 條，食唔晒喇。
椒鹽豆腐，求其係面度灑啲椒鹽就當係喇？﹗起碼都要青椒、洋蔥、辣椒加椒鹽落鑊兜吓佢麻，依家毫毛鑊氣，邊好食架。外層軟腍腍，炸得唔脆，唔香口，裡面就夠晒滑，但好淡、無味囉。
裹蒸糉，免免強強啦，蛋黃咸香不足，亦無黃油可言，咸肥豬肉不夠鬆化，麻麻地。總括黎講味道好寡，似食緊綠豆糯米團。
鮮蝦腸粉，粉皮粗糙又厚身，用肉眼都睇到啦 ﹗所以唔滑囉 ﹗蝦夠鮮爽，還可以。
京都肉排，無咩特別，酸甜適中，質地夠腍，唔錯。
杞子什菌浸筧菜，唔夠熱啊 ﹗上枱只係暖暖地，仲要係冷氣地方，轉頭已凍冰冰。好清淡既菜式，筧菜清甜又爽口，已好好味。
腐乳通菜，好明顯係一早烚等，唔知放左幾耐，啲菜變黑晒喇，食落重有啲靭添。雖賣相唔討好，但味道還可以啦。
客家咸薄礃，只係食到麵粉味同咸味，一般。
珍珠雞、叉燒包、臘腸卷，大路唔爛食囉。
三絲炆米，好多芽菜、青椒、韮黃呀，揀到我傻，全部我都唔食架 ﹗成碟炆米一啲味都無，口感就滿意。
上湯波士頓龍蝦伊麵，從未食過上湯會放勁多洋蔥架 ﹗不太喜歡洋蔥味 ﹗而且點解上湯要落洋蔥呢？伊麵底太少，只分到三四小碗，而且烚得太過火，又碎又腍得滯，再索埋啲汁就更腍。龍蝦肉都幾鮮爽好味，不過波士頓龍蝦始終比澳洲龍蝦細隻、肉比較少，味道重海水味。點解啲殼會軟腍腍既？
张贴
