稻香超級漁港 (已結業)

對呢度嘅食物越嚟越失望，服務差就唔使講啦！只不過天時暑熱，連行兩步過對面馬路都懶惰，咁抵我哋去呢間咁嘅垃圾酒樓食垃圾食物基本上每次食嘅嘢都差唔多架！今日 farewell 同事, 始終一班人最後都係去飲茶！茶唔夠滾水唔夠靚，仲有咩好講呢！反而點左一個類似點心雜錦嘅 basket, 有驚喜！我唔記得咗好似＄30到，但係竟然都有兩隻炸蝦，但係啲蝦肉好林，口感差！不過佢又有炸雲吞、又有煎餃子、仲有煎堆仔、同埋魚片角... 雖然味道同質素就麻麻，但呢個真係抵食！賣相又得意！

周圍附近都冇乜酒樓，以前稻香都唔錯嘅，但係成班侍應家經理啲服務都差到爆炸，最近做緊一蚊雞，服務水平就更加差。但係阿媽話抵食，咁就唯有等位啦⋯⋯啲老人家就係咁啦！貪個少少着數，5:50等到6:45pm 就係啱啱差一個Number等左九個字。叫咗兩隻一蚊雞，當然抵食到冇朋友，但係一隻雞個樣比較新鮮，另一隻雞就好似瘀瘀黑黑咁，雞肉食落去係梅嘅，阿媽問侍應點解出晒水，佢話正常另一隻好似黃油雞，啲肉望落去都新鮮啲，食落去就冇怪味。一蚊我冇投訴跟住阿爸鍾意食魚，叫條王立倉，味道又係怪怪地最後花膠雜菜煲 , 味道正常，雖然冇乜花膠，不過我主角都係想食多啲蔬菜OK嘅⋯⋯

約了外母及大姨吃飯，我提議吃這裡，因爲人均消費都係百零二佰蚊，我們叫了4個菜膽雞燉翅、2條青班、四季豆。菜膽雞燉翅($28)－由金華火腿、腩排、雞件、翅、白菜清燉而成，個湯好清甜，雖然個盎好細，內𥚃的湯料，一點都不少👍👍👍清蒸中青班($58)－青班約斤半以上，魚腩部分仲有魚油，好新鮮同有魚味😍😍㰖莱肉鬆四季豆($68)－醬汁太濃，吃不到欖菜味，味道少許咸，只屬一般。😂😂自助水吧－每位另加$12，有5種汽水、利賓納、紅豆沙、南瓜西米路、調味料、雪糕另外我推介的自助水吧飲品：洛神花山楂紫葵天貝－酸酸甜甜👍有山楂味😋😋功效：清熱、開胃、開胃消滯。杏仁茶－不是用杏仁粉開水，好熱唔甜，好香杏仁味，功效：美顏、潤肺、止咳💪黑芝麻糊－生磨唔甜，芝麻味重😋😋😋功效：補肝腎、烏髮養顏、五臟虛損我覺得自助水吧好低，因為可以無限飲杏仁茶、芝麻糊、洛神花。

今年係稻香酒樓21週年，推出了21年啲一蚊雞，水準一啲都沒有改變，非常嫩滑，雞味一流。春雞肉不是很厚，食落有白滷水的味道，😋😋😋見到隔離枱一人一隻雞咁食，真係O晒咀。另外叫了一條珍珠龍躉仔，肉質好滑有魚味，沒有過生和太熟👍👍👍👍最愛每位＄12的自助水吧，任飲幾多杯都可以。包括美顏的杏仁茶，好有杏仁味，飲落囗時有粒粒杏仁係內面。清新嘅洛神花紫貝天葵山渣水，十分解渴，因為有山楂味，仲可以開胃消滯添。而另外芝麻糊有助通便，我諗係用芝麻炒香再磨，所以飲的時候有好香芝麻味👍👍兩個人埋單都係＄201。

當年曾經同稻香交過手，知道佢地注重用料，所以早年傳佢話d雞變藍色有問題，我一睇就知係笑料。但注重材料歸注意材料，煮出黎好唔好食係另一回事。每一種餃，皮薄但太黏，好易夾爛。相比起土瓜灣細細間嘅一點甜，點心真係失色不少。另外伊麵湯底偏淡而無咩味，有d失望。腸粉出色皮薄料足，最正係外脆內軟嘅炸豆腐，囉番唔少分數。

工作中午餐，阿頭介紹呢間，去到要等一陣先可以入座，安排坐大廳靠窗位置！點餐之後食物好快到！茶位（$9）香片幾濃！微澀易入口！冰燒脆皮腩（$48）一層層分明，皮幾脆！肉淋身！點芥辣好味！原蝦燒賣皇（$44）蝦肉爽口，豬肉肥美多汁！好味稻香蝦餃皇（$25）皮煙韌，蝦肉爽口！蝦餃拼菜苗餃（$9.8）正常擂沙湯丸（$25.8）皮煙韌，黑芝麻餡幼滑，不過偏甜了脆皮流心蕉（$12.8）好怪嘅外表，完全唔似中式酒樓嘅點心，蕉身鬆軟，味道偏甜蜜味叉燒腸（$22）腸粉幾滑，叉燒味甜香茜牛肉腸（$22）牛肉滑，腸粉滑！馬蹄爽口沙薑撈鮮淮山（$12.8）幾特別嘅煮法，沙薑好味但淮山太淋，無晒咬口！紫洋蔥黑木耳（$28）黑木耳彈牙，索晒黑醋好味！和味拍青瓜（$28）青瓜爽脆！蒜香好味！醋味入晒青瓜！好味！鯪魚球西生菜（$22）鯪魚丸彈牙，生菜爽脆！高纖娃娃菜（$22）無食豉汁蒸鳳爪（$19）鳳爪索晒啲汁，骨肉分離！好味！山竹牛肉球（$19）牛肉滑，馬蹄爽！好味！店員勤快！上菜上茶都好爽！飲茶嘆點心！簡簡單單就已經好正！

豆腐雖然平，但營養價值高，還能做出不同款式，可以說是價廉物美今日去飲茶就是叫了這個椒鹽脆豆腐粒，因為做得出色，忍不住要為它寫一篇食評賣相已經值得稱讚金黃色的外表，未食已經感受到脆嘅口感外皮脆之餘，還有很香的五味粉，鹹度適中外脆內軟，豆腐白滑，外鹹內淡，絕配！廚師還炸得不會有油膩感，油和火喉都掌握得好

平時久唔久都會去吃飯，因為價錢不算貴，海鮮都可以。今天叫咗兩條班，因為每條$58，我們4個人，每人半條，另外炸蠔、炸子雞、雜茶煲、涼瓜牛肉，加埋都係＄480，已經連茶介同加一，平均每人消費都係＄120。現在茶餐廳一個晚餐都要$50-60，所以都算抵。

一行四人試下稻香新出既椰椰芝麻雞煲，晚市時段都係$90蚊一隻雞上枱已經聞到陣陣椰香味，另外仲有青桔仔同沙薑醬，幾特別👍🏻隻雞幾大隻，肉質嫩滑👍🏻湯底幾出色，加上椰青水清甜解解暑之餘又滋潤感覺冇咁罪疚青桔沙茶醬好惹味，配雞肉又或其他肉類都好食👍🏻另外叫左啲配料質素都唔差👌🏻賣單每人都係百幾蚊，超正！

早前與友人去了紅磡的稻香食火鍋, 這是友人提議, 愛食椰子的佢, 見到稻香推出了椰椰芝麻雞鍋, 好想去試下, 我地覺得也幾特別, 便去試一試. 我地第一時間點了椰椰芝麻雞鍋. 個鍋上枱, 另有一碟雞. 當湯滾了後, 店員就放入雞. 煮熟後, 先飲湯, 再食雞. 個湯好清甜, 入口時有淡淡的椰子香味, 非常好飲. 而雞肉尚算嫩滑, 單食已經好味道. 接着, 就可以加入清湯, 再打邊爐. 打邊爐前, 先來個混醬. 以下是我的混醬. 打邊爐牛肉當然是重點之一, 每次我都必點. 今次選了安格斯肥牛. 牛肉色澤靚, 而且脂肪分怖幾平均. 牛肉也切得好薄. 即使食全熟的我, 肉質也夠腍身, 不會好硬, 牛味幾濃郁. 我鍾意食海鮮, 點了北海三鮮. 當中我特別鍾意食桂花蚌和珊瑚蚌. 蚌帶點爽身, 口感十足. 愛食牛的我, 除了點牛肉, 也點了牛根丸. 牛根丸質感不俗, 我最愛當中混入了黑椒粒, 食的時候口中充滿黑椒的香味, 加上微微香辣, 特別醒胃. 最後, 點了黃金脆竹卷 . 我鍾意浸得耐一點, 這樣就能吸收晒湯裡的精華, 食的時候特別入味.

諗住開開心心同屋企人飲個茶啫！（人不犯我，我不犯人）既性格，但絕對接受唔到出尼食野仲要受埋啲冤屈氣！我無辦法接受到我身邊既人俾啲街外人無理呼喝囉！哩間咁既酒樓@成件事唔想講得太長篇！幾句野已經形容晒# 啲女知客同啲阿姐態度差到不能，尼食野要受哩啲員工氣！蝦餃夾超已經爛晒，咸水角皮多過餡！仲要又貴，每人平均都要$70倒！但唔飽。安排又不恰當！明明飲早茶變午市⋯⋯就系因為我地吾系熟客，所以要安排啲差既座位俾我地囉！！可能我去得太小酒樓啦（原來酒樓安排座位並非先到先得，而係熟客唔洗等都優先，仲要坐既位置比要等位既好十倍囉）哩間野就算免費任飲任食，請我都吾會再去囉！不知所謂！！😡😡😡😡😡😡😡😡😡😡😡😡

假日一班親戚聚埋一齊飲茶係常識吧，雖然話係親戚，但係有血緣關係唔等於大家熟落，我同佢哋就冇乜交流，佢哋有佢哋講是非，我有我食至喜愛嘅家鄉炒米粉。米粉炒得濕濕地唔係太乾身，有蛋絲、芹菜、同埋少少肉絲，我覺得米粉炒得鹹鹹香香仲幾爽口，話知佢係乜野家鄉又或者正唔正宗，對我嚟講總之好食就得啦。

稻香係依頭叫做抵食又吾差既酒樓，今日又試下佢新優惠先。。。上湯波士頓龍蝦依麵底及烏冬底各一份 $58龍蝦肉大大件，爽甜，烏冬就太淡吾多夾，下次都係叫番伊麵！咖哩金菇肥牛煲$38來到時仲滾緊，肥牛都吾太硬，仲有大量芋絲！抵食！燉湯$14清清地有肉足料！椰汁燉官燕$28燕窩份量都吾少，好香滑！正稻香食物都ok，價錢大眾化，係有時會漏單！我都試左幾次

今晚收工好夜加班之後去食消夜九點鐘入座茶錢＄10一位甜品自助吧 12~好抵!因為有我鍾意嘅豆漿同埋杏仁茶等到九點四十分都無嘢食過程中追過兩次我懷疑追佢第一次先落單追佢第二次佢先至印點菜紙俾我哋睇忙都話連枱布都唔得閑鋪算~我都費事追茶又唔得閑開都唔緊要~因為我自助吧飲豆漿好啦等到九點四十五分有一碟嘢食沙嗲肥牛炒烏冬 38等到十點食咗第二碟餸鐵鍋鹹魚煎肉餅 48消夜價錢好抵食頂唔順等到等到飽啦千辛萬苦先可以取消碟咕嚕肉成個過程員工責任推來推去經理見到就掉轉頭走可能佢嘅廚房真係好忙我下次如果肚餓仲食唔食呢間稻香好呢？

和媽媽來到了稻香吃一蚊雞，一年只有一個月有這個優惠，任叫一蚊一隻雞。和媽媽叫了兩隻雞，但因為人太多，等了差不多十分鐘才有雞吃。但來的雞充滿黃油，看起來真的很香很好吃，感覺十分新解，咬下去肉質不散，感覺比平日叫白切雞還要好吃，但不是每一隻雞水準都那麼高，第二隻來的雞就似只是隨便用水煮一下，沒有什麼特別，吃多了也覺得有點油膩，所以短時間內應該不會再來。