街坊Cafe (已結業)

今日放假同媽咪出去行街街，順便食埋個lunch🙆‍♀️🙆‍♀️黎到街坊cafe,俾門口張雞蛋仔圖片所吸引！就同媽咪走左入去食呢到地方寬倘坐得好舒服，裝潢亦十分特別。望望menu我地點左兩個set lunch,餐內已包含餐湯及餐飲，set lunch仲要免收加一我自己就加多左$8轉飲特飲,杯特飲飲落酸酸甜甜幾特別！等左陣先送上什菌忌廉湯及碗仔翅，味道都唔錯，兩碗都好足料再黎就係龍蝦汁海鮮意大利飯$68，澳洲西冷$78，兩者都好好味，前者海鮮配料十分足（蜆、青囗、魚、蝦）d飯食落去特別鮮甜。後者牛扒煎得剛剛好，肉質鮮嫩，咬落去又唔怕韌！！食完主菜立即點埋個甜品，我期待己久既紫薯吉士雞蛋仔配香芋雪糕$68，雪糕可自選。因雞蛋仔係即整的，需要d時間耐心等候！等左幾個字終於都送到啦，賣相1⃣️流，味道亦佳。雞蛋仔整得又夠曬香脆可囗，仲可以撈埋雪糕及底下棉花糖1⃣️齊食，口感十分特別有趣