日悅極尚日式放題 (已結業)

今年屋企搞搞新意思，團年飯唔係屋企食！而係成家人提早一齊去食放題咁大個女都係第一次咋，家姐負責book枱！佢今次就㨂咗尖東呢間新開放題環境都幾大，裝修簡單乾淨！一入門口就見到呢個日本擺設，充滿日本氣息呀呢度最正係有個兒童遊戲室大家都知道小朋友好容易就坐唔定，呢個遊戲室就啱晒！小朋友可以係到瘋狂玩，家長又可以係出面瘋狂食食物種類都幾多，有生有熟嘅！不過由於屋企人唔多食生嘢，所以我就每款刺身都叫少少姐甜蝦鮮甜，帶子又大又鮮，當然唔少得我最愛嘅三文魚！好味呢個牛肉壽喜燒媽咪好鍾意牛肉軟腍，入面仲有啲什菜，由於索晒啲湯底，所以特別鮮甜入味，無論送飯或者單食都唔錯。家姐就鍾意芝麻雞翼！外層炸到脆卜卜，入邊嘅肉就多汁juicy! 所以家姐一個人就食咗6隻！哈哈我就最鍾意扇貝！即叫即燒，上面仲有啲沙律醬調味，正！最估唔到係呢到竟然有乳豬食！哈哈！！當乳豬出爐之後，侍應會通知大家出爐啦！咁大家就可以係呢個時間去排隊攞燒乳豬啦一人得兩件，手快有手慢無啦！除咗可以寫紙落單外，佢仲有個自助區！有啲日式前菜：中華沙律、八爪魚、螺肉等等！飲品款式都算多，由維他奶到啤酒都有，真係總有一樣啱你自助區除咗前菜小食外