晉家門炭燒工房

营业中

休息中

每次經過太子，都會比居廬嘅門面所吸引。佢有一種古色古香嘅感覺，看來古典優雅，好想令人入去一探究竟。估唔到店舖雖然細細地，但係裏面都裝修得幾骨子，牆上幾乎每一樣物品都好有中國特色。呢一間居廬係炭烤工房，食串燒、烤物就最啱！但係有好嘢食嘅時候，點少得好嘅啤酒呢？呢款啤酒入口清香，有淡淡的小麥香味，容易入口。點左一客炸薯角，熱辣辣，脆卜卜，好香口。裡面有滿滿嘅薯茸，點埋茄汁更滋味。之後叫咗兩串燒牛舌，既有孜然粉嘅調味香，亦有微微嘅牛羶。回感帶韌勁，有咬口，都幾juicy。最後重點左呢個Pizza ,係千島醬大蝦pizza ,鍾意佢嘅批底比較薄，食落好香脆，整體都唔錯！