古今二 (荃灣千色匯I) (已結業)

荃灣一向都係美食集中地，中秋過後同朋友搵食，朋友推薦試下位於眾安街千色匯既古今二。餐廳都以日式木系主調，光猛乾淨。龍卷風沙律 完全冇諗過會大多份量，沙律材料有激量蟹棒、中華沙律、雞蛋絲、蟹籽配埋日式醬汁夏天做前菜消暑一流🥗🥗雜錦天婦羅，天婦羅包括左三條大蝦，兩件魚肉釀秋葵，三粒紫薯。天婦羅炸到香脆可口，蝦身彈口，有蝦肉。最令人意外係炸秋葵居然釀左魚肉入去，好有驚喜😝呢間餐廳主打創意卷物，所以叫左一個好吸晴既火山，主要餡係帶子、青瓜、牛油果、蟹柳。火山上面鋪哂左蟹柳，上台時店員仲會點火，好有效果～日式炒烏冬好香口，配左雜菜雜菇好好食～最後試埋佢既串燒蒜香牛油紫薯，蒜香牛油翠肉瓜都唔錯