拾味正宗刀削麵館 (歌賦街) (已結業)

口水風味冷拌刀削麵 + 手撕雞 + 雞腎 ($65 + $10)依個有驚喜^^ 行到有啲熱所以想食凍野，拌醬好有麻醬味，唔會太辣而且好開胃，仲有青瓜絲同花生增加口感。手撕雞同雞腎嘅份量都好多，手撕雞唔會鞋碩碩，嫩滑有雞味，雞腎係厚切嘅，大大粒好食。而且涼拌嘅刀削麵會更煙韌有口感。.麻辣豬扒湯刀削麵 ($55)湯底清甜唔會太鹹令人口渴，係熱湯入面嘅刀削麵會冧啲，依然係咁好食，麻辣豬扒都幾辣下，好多辣椒蒜蓉，食得好過癮。兩碗麵都好好好大碗，細食可以叫少麵。價錢抵食又咁多餸菜同款色揀，會想encore