影片
卫生环境 - 完全系恶劣。一入餐厅已经见到5-6只蚊系度嬲黎嬲去，嬲完嘢食嬲人，爬上手𠮶只，赶极都赶唔走。临走𠮶阵见到柜台有张灭虫公司既单据，惨啦，揾完人搞都系咁多蚊，证明真系好污糟。🤢食物质素 - 唔算入唔到口，但真系好难食。刀削面既面条过厚过硬，以为自己食紧生既面粉；汤底系味精汤，重要系淡到似水𠮶种；口水鸡皮肥肉少，肉质似过夜肉，唔入味、𠮶酱唔算系正宗口水汁。😮💨食呢间嘢完全晒钱晒时间，食完嬲到癫😂
继续阅读
我最近去咗拾味刀削面，叫咗醉鸡生菜刀削面，整体黎讲性价比算几高。刀削面嘅口感好弹好Q，系即叫即削，有粗有细系最好食嘅。我配菜叫左生菜同醉鸡肉，味道好丰富。醉鸡肉非常多，应该系一只鸡比嘅肉。唯独系餐厅环境比较差，好似长期唔够人手咁，侍应长期著住对水鞋，斩鸡又系佢，落单又系佢，水吧又系佢，收钱都系佢😂所以d台你预左佢抹得唔系好干净。而佢都系好赶行黎行去未必可以即刻理你。不过无办法 中环附近刀削面真系唔多。
继续阅读
嚟到中环觅食，唔知食咩好，见到有一间刀削面都几出名，就想来试试呢一间系位于歌赋街既小店，可能因为要一条长楼梯啦，又过左午餐时间，所以就得返我一枱客啦佢呢度有唔同既𩠌就有唔同价钱，可以拣汤既冷拌热拌，或者唔想食刀削面既可以拣菜饭，拉面米线好难得见到冷拌刀削面就试下，我拣左麻辣拌牛肉丝，佢既麻辣唔系酱系辣椒碎，所以主要味道来源系担担酱，味道唔错，但可能刀削面唔索味，自己拌又唔匀，就会一啖有味一啖无味，刀削面好弹牙，好烟韧，好食。仲配有大量青瓜丝，食落清爽，佢既牛肉丝系牛展，好有牛味好弹牙友人就叫左担担酱拉面，整碗野偏清淡，但汤头几清，加埋都几好食不得不提两碗面份量劲多，女士都应该食唔哂口水鸡同猪颈肉都系推荐既就试下口水鸡唔系好辣好刺激，微辣，鸡好嫩，正猪颈肉热，脆，嫩，份量多可能地方唔就脚，以致唔多人，但黄店小店值得大家支持呀
继续阅读
刀削面平时主要都系汤面为主，比较少系拌嘅刀削面，而且仲有分热拌刀削面和冷刀削面，款式都几多，除此之外，𩠌嘅款式都好多，选择困难症嘅我拣咗好耐先谂好要啲咩留意番，佢哋面系唔包野饮架，野饮要额外收钱麻辣东坡肉刀削面 $58𩠌跟面是分开的，不用担心东坡肉嘅辣会渗透到面之中，而且东坡肉都好肥好大一嚿，表面有超多蒜蓉和辣椒，未食都已经闻到好香，不过食落都唔系好辣，肉质都好淋，唔会死实实咁，算几好食，另外面嘅份量好多，但系汤底味道比较清淡，食到后期会有少少闷（因为𩠌已经食完）而且太过单调，所以最后食剩咗少少猪颈肉热拌刀削面 $62猪颈肉嘅份量比东坡肉多，而且感觉上拌嘅刀削面冇汤刀削面咁饱肚，所以依个食得晒；猪颈肉虽然油脂好丰富，但系佢烧过，将啲油分迫咗出嚟，所以食落口都系肥，但系唔会好油腻，食多几件都可以，四川担担酱食落唔系好重花生酱，所以食落唔系好滞，有少少肉碎捞匀一齐食都唔错野饮个人觉得一般，可以唔叫都得🔆整体来讲，食物方面都唔错嘅，但系佢嘅环境令我觉得佢唔太值得咁嘅价钱以上均是我个人观感，每个人嘅口味各有不同，所以末必同每个人嘅用餐感觉一样，如有不同，敬请见谅。
继续阅读
早前，妈咪约了一班朋友晚饭饭局；所以，我放工便找地方食嘢当晚餐！行到中环歌赋街，有间刀削面店 <拾味正宗刀削面馆>！店内不论师傅抑或店员，都是全男班！桌上备有餐具、调味料、还有，消毒搓手液，相当周到！店方以桌上 QR code 落单，不过，我买了新手机，已装了 QR code app，却是 load 了一阵仍然打不开；于是，我即时 Download 另一个 QR code app 都于事无补！ (心想不是那么死板 Stupid 一定要求食客用 QR code 落单呀嘛？！如果硬性要求这做法，而恰巧，我部手机又做不到的话，我索性离开了！)可能店员见我迟迟都未落单，于是好醒目走过来，问我想食咩？店内播放饮食节目，介绍此店，师傅拿著5~6磅拉面粉团以手起刀落削面！餐牌上海水饺刀削面 $46店内播放饮食节目才得知刀削面选用低筋面粉， 面条粗度均匀，口感烟韧又挂汤，水饺有4粒，肉多而清爽的椰菜少！热豆浆 $10 跟餐+$6质感浓稠，豆味浓郁，甜度恰到好处！
继续阅读