金西南米線

营业中

休息中

午餐係近近地就係時代附近食，行過對面好快就到。之前外賣食過一次，都略知呢間米線都算出名係銅鑼灣呢頭，行到去見都真係滿座既～去到都需要等5分鐘左右入座。可能因為peak hour,店員係我地係門口等位時已幫我地開始落單。位置比較擠迫，坐低後超快有野食，同行朋友個碗腩肉米線直頭坐低1秒就有，其他2碗就3分鐘內黎齊，的確好有效率。叫左*腩肉黑木耳熱撈米線*🤔🤔其實有點懷疑落錯單，本身係想食撈薯粉架～不過唔知自己有無講漏，所以由佢啦，照食！上次食過佢外賣湯米線，都欣賞佢地酸菜幾好食，酸度適中。腩肉睇落比較大片多肉，都炆得夠淋同入味既，不過可惜太甜，個人口味不喜歡。黑木耳呢度係大片既，肉碎反而覺得幾ok,因為食到肉鮮味👀👀米線就一般般，部分都未淥得淋，而且撈撈調味同樣偏甜，令味道有點奇怪對我黎講，但米線份量真心比平時一般多既。