宏 (已搬遷) 新店位置

話說小胖女之前同佢d fd係The One食過宏後念念不忘  成日話要帶我去食多次 俾我知道d綠茶甜品有幾好味上星期去開尖沙咀 終於"飛雲! 機會黎喇" 閒日既宏都幾多人食 食d咩由小胖女發板  而小弟就坐低橋埋雙手等食事頭婆order左咖哩豬扒飯同一個set 有雜錦天婦羅飯+海藻烏冬+抹茶蛋卷 當然甜品係少不了架啦個set都幾大 以為海藻烏冬會係迷你版 但原來份量都唔小 而豬扒飯就更加出色 咖哩同吉列豬扒既味道都唔錯同得小胖女黎佢又點會願意放過我個胃? 為食既佢明知個set有個蛋卷仍然要叫多兩個甜品先肯罷休雖然小弟對抹茶既愛唔算好深 不過都覺得個抹茶蛋卷好香好鬆軟 另外抹茶同雲呢拿芭菲都好好食 猶其雲呢拿芭菲既生果配料就更加係極之吸引 難怪小胖女要食完再食