鳥炎屋 (已結業)

出去尖沙嘴只要諗唔到食乜，通常都會過去亞士厘道望下，除左有固定食開嘅飯堂之外，經常都會搵到驚喜 🤤 今次就發現左鳥炎屋居酒屋，食物種類都算多，有卷物、有魚生又有壽司、鍋物同飯麵 👍🏻 而且入面裝修都好舒適，係一間幾唔錯嘅居酒屋 🏮刺身 - 真鯛（薄切）雖然叫薄切，但厚度非常適中，口感好好，真鯛肉質柔軟，加上檸檬片舖底令整體味道更 fresh 😋 魚香屬於清香的感覺，第一道刺身食呢個，十分適合 👍🏻刺身 - 劍魚腩劍魚腩面有輕輕火炙過，令魚香味更突出，一入口 d 魚油必曬出黎 🤤 魚香味非常非常濃，好正 😋牛油果鰻魚卷濃香嘅鰻魚配合清新嘅牛油果，味道 balance 得非常好，牛油果份量都多，而且鰻魚個汁好好味，唔錯 😋鐵板牛柳粒黑椒汁非常香濃惹味，濃香嘅牛柳粒配合大量嘅洋蔥同菇類，一上檯香氣四溢，屬於重口味惹味之選 👍🏻櫻花蝦炒飯飯炒得粒粒分明夠乾身，而且櫻花蝦超級多，啖啖都食到滿滿嘅櫻花蝦 🤤 味道唔算濃，但可以食到櫻花蝦嘅香味同蛋香，唔錯 😋值得一提嘅係全店都好好笑容又有禮貌，招待十分熱情，感覺到佢地真係好有心去接待每一位食客，完全有日式居酒屋果種熱情親切嘅感覺 💕