新桂香燒臘

营业中

休息中

特登平日來食，因為地點問題所以即使想來都太遠。5點來到冇哂叉燒要等5點半出爐，仲好夠哂新鮮滾熱辣。5點半返到黎已經見門市有人龍，我而d堂食既就唔洗等，本身堂食得4張小枱，所以預左有位都好好。半肥瘦叉燒飯40蚊一碟，唔貴因該而間野係少數用新鮮豬梅肉燒叉燒既燒味鋪頭。極速黎到，一睇就知正野，色澤一流，焦邊係哂度，真正半肥瘦，一入口蜜味同咸味剛好，仲有新鮮豬肉先有既味道，略為覺得斬得太薄，但無論味道，色澤同肥瘦程度一流。佢附近有間燒味鋪，從來都好少人，因為你見到都唔會想食，證明好多街坊寧願比貴好多都要揀而間係值既。PS 除叉燒外，其實燒味認真不要抱大期望，因為始終佢招牌係叉燒。