天王冰室 (已結業)

啱啱係元朗做完野, 諗住是旦醫肚, 見路過有間茶記"天王冰室"裝修都算新淨, d 野食正常就得啦, 諗住食個快食完就算。入到去見到隔離枱食緊碟叉燒蛋飯都幾大碟, 睇落正常, 中伏機會唔大, menu都冇睇就 order 咗。唔駛3分鐘碟野就到咗, 喂, 有驚喜喎, 碟飯落足料, 勁多叉燒, 而且唔係"鞋烚烚" 個d瘦叉, 係紅當當個d 嫩叉, ok 喎! 蛋都幾滑, 見到係用牛奶炒過, 唔係hea個隻。咁既價錢, 茶記黎講算底食。不過比d意見呢間新開既茶記, 奶茶方面真係可以改進吓, 茶味可以再濃d。