影片
低调黄店，但可能附近成条食街，周围都多国菜所以晚市生意麻麻，得两成客。正常茶餐厅既餐牌，份量足，味道中上，侍应全部系后生仔女，超有耐性；隔离枱坐左几个牛屎飞点菜耐到我叫完差唔多食完先决定到，点到好似食私房菜咁款，侍应都好有耐性，可能知系麻烦客，揾3个侍应招呼佢地。最惨系隔离枱有条肥婆讲野大声到似卖菜，急急食完就埋单了，早知热d都坐出面唔洗耳膜受罪🙄🙄🙄会得闲再去惩罚下佢既服务态度。推介扒餐大份又抵食，焗野类可能要俾d耐性等下。
继续阅读
首先小弟系蒜蓉包控😍😍，平日去茶记都系食普通多士。今日经过元朗鸡地，睇见佢哋餐牌一张相都冇，但我正正俾个蒜蓉多士吸引左。由于疫情，所以现在去餐厅一系叫外卖，比较干净先会坐低食，费事赖嘢。佢里面位置有分隔，感觉都算干净。首先，早餐算叫做有heart,双蛋，猪扒，沙律，菜，都真系几多野。不过今日咁桥冇茄汁豆😍😍。如果煎双蛋可以系太阳蛋卖相就会更加吸引😔。性价比高，环境服务唔错。应该会再帮衬。
继续阅读
以前行经都见座无虚席，不过就从来冇帮衬过！由于支持黄色经济圈既关系，呢几个月都会行一段路去距离屋企比较远既阿x冰室食早餐。某日既早上，想支持一下其他餐厅，所以去咗鸡地找食。肺炎关系加上限聚令，所以见天王门口冇摆枱，餐厅里面有两枱客人，餐厅得一个楼面，做到踢晒脚落单、执枱、上菜、听电话接外卖、接客量体温⋯早餐价格定位$40楼下，食物质素系一般正常。老公唔系好欣赏，不过我觉得还可以！点都好，加油啦，希望良心小店挨得过，成功继续努力生存！
继续阅读
早前食过一次 都唔差 所以今日再去食个 lunch 两点几去到 叫左个午餐b 系蒜蓉汁猪扒火腿饭 味道正常 但等左大半个中 果日唔多人 一催发现厨房漏左单 催左两次先来 大约40 mins左右 其实呢d 饭平时十分中左右都有 唔明呢度点解等甘耐 仲要又唔多台客仲叫左个下午茶餐 系猪扒辛辣面 正常拉 但叫煎蛋来左炒蛋 叫厨房换 佢换太阳蛋 侍应都好好好有礼 味道正常 但如果要等甘耐唔会再去
继续阅读
有时食肆经营除咗系食物品质，其次系「态度」都好重要，简简单单一间茶记并不显眼，但门外贴上「为对医护人员表示敬意：持有医护证件顾客可免费用餐」‼️获得街坊嘅支持💪🏿💪🏿———————————————————————————🥢午餐-虾酱干炒牛肉米💬炒粉面算够镬气，备有多款选择，连饮品$50😏.🥢下午茶-炸鸡髀沙律🥗💬鸡髀嘅骨经处理过，容易切开，炸皮脆口，鲜果沙律够冻唔会有雪藏味😌
继续阅读