麵屋丸京

营业中

休息中

叉燒拉麵$78溫泉蛋叉燒拉麵$88全場得5款麵可以選擇，可以選擇清湯或濃湯，走蔥或走筍。 我地選左叉燒拉麵同溫泉蛋叉燒拉麵，清湯。麵底有少少鹼水味 但都可以接受。叉燒雖然薄薄地, 但份量十分多，鋪滿整個碗，叉燒的肥瘦度剛剛好，不會好肥，肉味重，但唔算煮得好腍。清湯底已經好入味。我見佢湯底系加左醬油落碗再加清湯入去。溫泉蛋採用日本靚蛋，好入味,十分流心。師傅用一條線將溫泉蛋切開，手勢十分利落。環境方面，間鋪細細地， 全場得17個座位，我地坐系邊位，冷氣真系唔夠，食到出曬汗。因為系中午所以，食完就拉拉聲走，環境舒適度只系一半，如果想坐耐d 傾下計 可能未必舒服。整體上份量夠，低食，但味道及環境一般。