麵屋丸京

营业中

休息中

麵屋丸京是一家主打正宗日本拉麵的餐廳，在香港有分店，像葵芳及荃灣都有店鋪。餐廳以濃郁湯底和豐富配料聞名，適合喜歡地道日式拉麵的食客，環境舒適，亦適合朋友聚會或情侶拍拖。叉燒拉麵：叉燒份量十足，肉質鮮嫩，拉麵搭配濃厚的豚骨魚介湯底，還可選擇清湯版本，湯底香濃帶有豐富層次感。有些套餐可額外加半熟溏心蛋，增添滑嫩口感。碗的邊緣鋪滿叉燒片，視角上十分滿足餐廳有好多模型擺設。食物價格合理，叉燒拉麵價格約在70至80港元之間，份量充足且湯面賣相吸引。顧客評價多讚賞叉燒鮮味和湯底調配，餐廳有無加一服務，性價比較高。

呢間人氣拉麵係香港有幾間分店，今次近近地黎到葵芳分店。店既位置唔多，非繁忙時間都要排一排先有位。試左黑蒜油丸京叉燒拉麵，一上枱見到叉燒舖滿碗麵呈花狀，揭開大大片叉燒底下會見到濃濃黑蒜油湯底，蒜香味好出又唔會太咸，味道剛剛好。麵質預設左無得揀，偏彈且掛湯。自家製餃子味道就不過不失。拉麵小食連飲品埋單大概百幾蚊，都係抵食之選。📝TIPS:1. 餐廳相對細，座位不多，或需排隊。2. 可留意餐廳social media假期/開店資訊，避免摸門釘。

相信大家去到葵芳一定會去掃街，但係如果想同朋友坐定定傾下計食嘢，麵屋丸京都係一個唔錯既選擇。去到岩岩好係晚餐時間，所以都要排一陣先可以入座。選擇方面都多，食物多少同湯底都可以比我地慢慢tick。佢既配菜方面有得揀叉燒同真叉燒，食過後覺得叉燒好味啲，因為叉燒貼近日式叉燒。而拉麵方面，佢都做q 彈效果。柚子胡椒湯叉燒拉麵如果想要一個清少少既湯底，可以選擇柚子胡椒湯，佢清得黎又有少少柚子香，同個麵底同叉燒好夾。豚骨濃湯真叉燒拉麵豚骨湯係佢最signature，當然係要試下，啖落去有香香既豬骨味！真叉燒叫左最大份個個，好夠食！

假日多數瞓到日上三竿，難得早起，出發去葵芳買supplement，路過這間經常排隊既人龍店，竟然無人排隊，原來剛開舖，即時入店一探究竟，店內座位已經半滿😅，好彩今朝早起😁食到這間人氣店😎點餐上有5款湯底，被柚子胡椒清湯吸引住，即選。拉麵款式有4款，疑惑什麼是“真叉燒”🤔，請教店員，原來是慢煮叉燒🤓，正呀，慢煮既肉會冧D同滑D，即選丸京拉麵，可以一次試晒兩款叉燒😋😋原來想食餃子，可惜今日無餃子，唯有order炸雞。豚骨拉麵同丸京拉麵賣相唔錯，第一口試試柚子胡椒清湯，好清新，唔會太濃烈麵底爽彈糖心蛋好靚😍叉燒好味，唔柴，真叉燒堅冧滑，值得一試。 七味炸雞～熱辣辣上枱，好香脆，食落有輕輕既酸味及辣味，加上沙律醬，味道好夾，好和諧

成日經過，呢間嘅拉麵都係排晒長龍，入面嘅位置唔算太多，好多晏晝未夠1:00就見到啲人開始排隊，今次見到相對嚟講唔算太長龍，所以自己都幫襯咗試一試佢。但係整體感覺又未算個性價比太高，一碗叉燒拉麵，都要成差唔多90幾蚊，雖然啲叉燒係鋪晒面，不過我覺得都未算話好特別嘅湯底，所以性價比唔算太高。

今日嚟到葵芳食拉麵，午餐時間都幾多人排隊 🤣見到人龍係信心既保證😆餐廳環境乾淨，有bar枱同幾張枱，環境唔算大，餐廳有限時用餐時間為45分鐘，食麵黎講都算充足😛佢有得揀唔同既湯底，例如濃湯，清湯，黑蒜濃湯，仲有清新啲嘅柚子胡椒湯，同埋小蝦干醬油清湯，我今次揀左濃湯既丸京拉麵，入邊有真叉燒三塊和叉燒三塊😋細食嘅朋友都可以叉燒三塊，價錢仲平d🤣拉麵賣相好吸引，麵都非常彈牙，湯底好味！叉燒都好有肉味，值得一試😗

一個人成日唔知食咩好經常都會幫襯的一間拉麵店之前葵芳未有都向觀塘食開雖然呢間店地方較細但都似返啲日本食果啲小拉麵店環境真叉燒真係本人致愛平時比較唔少食肉呢度既叉燒食落去啲肉唔係嚡熠熠果種好軟身又唔太咸份量又多而我比較鍾意清湯類佢仲有幾款湯底選今次試新出既柚子味既清湯底食落唔黏口又清新🥰仲有濃湯的、櫻花蝦的鍾意濃味啲可試麵質剛好 不硬又不太軟 有少少咬口熱烈推介😋😋😋而家佢午餐時間叫餃子送飲品👍🏻性價比好高😍

經過葵芳成日都見到呢間拉麵，今日終於入嚟一試，本身冇抱住太大嘅期望，但竟然味道唔差，係一間可以encore嘅拉麵🤩🍜豚骨拉麵（$78）我叫咗濃湯底嘅豚骨拉麵，濃湯飲得出有筍嘅味，我個人好鍾意食筍，呢個湯底每一啖都感覺吸收咗筍嘅精華，加上青蔥做點綴，加上薄薄地嘅叉燒，女仔食嘅話其實份量係夠大。🍜真叉燒拉麵（$108 ）問咗職員真叉燒同普通叉燒嘅分別，係真叉燒係用慢煮嘅方式，所以比起普通叉燒，睇落會更加粉紅色，而肉質都更加嫩滑，對比過之後真係真叉燒比較肉質薄嫩啲，total有八塊叉燒，老公食咗都好飽😂🍗唐揚炸雞（$35 ）唔知點解雞皮炸到有啲燶燶地苦苦地，但入邊嘅雞肉係Juice嘅，呢一點如果再改良吓會更加好🥺

有4款拉麵，我地點左6塊真叉燒拉麵，同埋一叉燒半一半真叉燒的拉麵，仲有炸雞同桃味梳打、蘋果梳打。晚上都幾多人，我地等左10分鐘就可以入座。好豐盛呀，成枱都係肉呀，勁多叉燒。真叉燒拉麵 $108揀左清湯，有醬油湯底加豚骨湯嘅味，好飲唔膩。真叉燒肉質較嫩，好似ham咁嫩嫩地，肉感滿滿。幼麵口感很好，硬身d，但都掛到湯汁，份量唔多，不過食完好飽。丸京拉麵 $100有3塊叉燒及3塊真叉燒，可以一次食到2款叉燒，口感唔同。叉燒偏硬肉質，但肉味突出，有咬口，係傳統叉燒味道。流心蛋超正，好濃蛋香，入口爆發蛋黃流心，滿足。七味炸雞 （5件）$35，份量大又抵食，不過油左d碟底超多油，加左七味粉，香辣酥脆，雞肉嫩彈好咬。蘋果梳打 $22桃味梳打 $22兩款都果味重，富果香，甜美梳打，有氣飲品好清爽。

成日去葵涌廣場又搵個地方坐低食嘢可以過去對面馬路食呢間麵屋丸京拉麵都座得幾舒服 講返個拉麵 真叉燒拉麵 $108 真叉燒6塊 糖心蛋1隻雖然呢一個貴$8有冇筍但係真叉燒真係好好食 煮到軟腍腍我估應該係用慢煮嘅方法去煮丸京拉麵 $100 真叉燒3塊 叉燒3塊 筍 糖心蛋1隻佢真叉燒相對腍啲 感覺入口即溶啲而且普通叉燒就係正常拉麵店食到嘅叉燒仲叫咗個煎餃子午市堂食加小食仲會送一罐飲品佢嘅餃子都好足料係豬肉椰菜餃餃子皮唔會好厚入邊仲好充滿肉汁呢間喺葵涌廣場附近嘅拉麵店真係好值得推介又稱為巷仔拉麵好似去咗日本周圍發掘美食咁大家有時間都可以去食吓呢個真心推介香港高質拉麵店餓底推介

餐廳名字：麵屋丸京 (葵芳)餐廳地址：葵芳興芳路188號地舖丸京拉麵丸京拉麵:- 豚骨湯頭味道濃郁,加入叉燒後更顯豐富。低溫叉燒的口感軟嫩,普通叉燒則帶有燻香。整體的拉麵口感平衡,湯頭尚可。七味炸雞: - 外脆內嫩的炸雞外脆皮包裹著！七味粉撒在上面很適度,增加滋味但不會過重。炸得金黃不油膩,是快手小食的好選擇。

麵屋丸京既真叉燒拉麵的確係一絕，食肉獸既大愛，叉燒用慢煮方法烹製，呈粉紅色，食落好嫩口，肉味都濃，而且份量相當夠，比平時拉麵得兩塊，丸京鋪到成碗都係，食肉獸都會大滿足。拉麵湯底係豚骨湯，飲落好鮮甜唔腥，配上微硬既拉麵，食完唔會投訴。🐻

記得有一次，一家人在看日本的電視 channel，剛好看到有一個節目係介紹日本各地既拉麵。其中推介的一間，就是把所有叉燒圍住碗邊，搞到好似食成碗肉一樣的拉麵。我同阿仔說，這一款拉麵，香港都有得食。而當日，咁啱我地決定去葵廣行街，一落巴士就見到這《麵屋丸京》。我同阿仔說，就是這一間好好肉既拉麵店。太太就立即放行，佢先去葵廣行街食野，而我就帶同兩個小朋友，食拉麵。同仔女行到《麵屋丸京》既門口，兩個小朋友見到幾碗拉麵既照片都大聲嘩然了。阿仔第一個推門入去。由於阿女仲細，冇可能食得到一碗咁大既拉麵，所以我們決定分點點給她吃及另加小食。其虯的一個是香蔥沙律炸雞。用了日式的沙律醬，所以入口有少少酸酸的味覺感受，再者，連埋蔥花一起吃入口，很香。另外添加的，是日式餃子。皮薄，也煎得夠香脆。只是我們覺得，餡內既豬肉做得唔係幾夠香而已。丸京拉麵，是一個包含了兩款叉燒的拉麵。一邊是普通的日式叉燒，而另一邊是利用慢煮方法來製作的 "真叉燒"。兩款叉燒，兩種口感，普通的叉燒雖然粗鞋了一點，但味道就比較濃郁。而真叉燒吃起來就比較香滑，肉積也嫩一點。真叉燒拉麵，就是一個純 "真叉燒" 伴碗邊的拉麵。成碗都是真叉燒，

•真·叉燒拉麵真叉燒其實係慢煮叉燒 所以顏色會偏粉 食落真係比普通叉燒更嬾更淋👍🏻但就少咗灸燒嘅味道～～•豚骨拉麵叉燒上對上更韌 湯底都偏鹹+油( >д<)雖然擇咗濃湯但都唔會做到掛湯嘅效果拉麵係屬於幼麵(個人唔係太鐘意)糖心蛋同荀都正常👌🏻整體係一碗合格嘅拉麵但沒比到我一種想再食嘅衝動🙊•餃子正正常常皮偏厚 饀偏少(ಥ﹏ಥ)𝐨𝐯𝐞𝐫𝐚𝐥𝐥 𝐫𝐚𝐭𝐢𝐧𝐠:𝟔/𝟏𝟎

［濃湯-漫煮真叉燒拉麵🍜］今次嚟到葵芳廣場附近搵食，嚟試人氣推介真叉燒拉麵🤤💗真·叉燒拉麵 $108真叉燒，即是真空低溫慢煮嘅烹調方式一上枱未食賣相已好吸引📸有6塊大大嘅叉燒，仲要配上流心蛋😍叉燒肉質粉嫩，麵質結實不糊而且掛湯，豬骨湯底濃厚