影片
更多
2020-07-02
1772 浏览
星期五收工去左尖沙咀行街，行到肚餓，路過呢間號稱東京人氣麻辣拉麵既拉麵店，上網睇左下見評價都唔錯，就一於試下先！！ 鬼金棒既裝修非常特別，有大量鬼怪公仔，好似去左鬼太郎主題樂園咁。 餐廳採用自助點單，掃一掃QR code就得，都幾方便窩！我地叫左一個麻辣湯拉麵，一個拌麵同一個飯，勢必一次過試齊曬！ 味玉辣麻味噌拉麵$100豬骨湯底就食得多, 麻辣味既日式拉麵真係第一次試！上台時就聞到濃郁既香氣，湯底好濃厚，食落先麻後辣，後勁十足！對比起其他拉麵店，除左湯底特別之外，呢度既叉燒都絕對少見！又肥美又大舊，各種香料十分入味，滷肉汁的鹹甜配上入口即溶既質感，令人十分難忘。 辣麻拌麵$98拌麵味道比起湯拉麵清新，有大量肉碎，食落麻麻辣辣都幾得意，幾適合夏天食。 大肉飯$55其實呢個飯既靈魂都係果舊世界級叉燒，撈上白飯可以中和肥膩感，如果食完拉麵唔夠喉推薦叫埋飯～ 呢間拉麵店真係比到我驚喜既感覺！估唔到日式拉麵都可以咁重口味，正呀！
鬼金棒既裝修非常特別，有大量鬼怪公仔，好似去左鬼太郎主題樂園咁。
餐廳採用自助點單，掃一掃QR code就得，都幾方便窩！我地叫左一個麻辣湯拉麵，一個拌麵同一個飯，勢必一次過試齊曬！
味玉辣麻味噌拉麵$100
豬骨湯底就食得多, 麻辣味既日式拉麵真係第一次試！上台時就聞到濃郁既香氣，湯底好濃厚，食落先麻後辣，後勁十足！對比起其他拉麵店，除左湯底特別之外，呢度既叉燒都絕對少見！又肥美又大舊，各種香料十分入味，滷肉汁的鹹甜配上入口即溶既質感，令人十分難忘。
辣麻拌麵$98
拌麵味道比起湯拉麵清新，有大量肉碎，食落麻麻辣辣都幾得意，幾適合夏天食。
大肉飯$55
其實呢個飯既靈魂都係果舊世界級叉燒，撈上白飯可以中和肥膩感，如果食完拉麵唔夠喉推薦叫埋飯～
呢間拉麵店真係比到我驚喜既感覺！估唔到日式拉麵都可以咁重口味，正呀！
张贴
