伊賀日本燒肉料理 (已結業)

一家人出黎食下放題，是晚揀了食燒肉主打的伊賀，記得上次母親大人吃過後讚不絕口，今晚一於encore。安排入坐後會送上一盤刺身，用船上賣相精緻，味道亦很好，鮮甜肥美，家人都讚不絕口。另外亦點了各種冷盤，沙律一定唔少得，有好幾款沙律揀，蟹籽沙律蛋黃醬下得剛好，青瓜絲新鮮。菜沙律用的是麻醬，呢隻醬真係好好味。仲有凱撒沙律，好多芝士粉同沙律醬，正喎。最後係伊賀沙律，菜沙律做底，上面加上魚生粒，用上日式沙律醋，酸酸地好醒胃。個人覺得四款沙律都好正，encore了不少。燒肉亦會除入坐送上一盤，有各種牛肉豬肉等，色澤唔錯喎，開左爐預備燒了，火力很猛，牛肉基本上焯一焯就食得，豬肉則放爐邊慢烤吧。燒肉其間叫下其他野食先，蜆湯味一般～三文魚面豉湯好濃好鮮甜。點左各種壽司試試，壽司選擇算多，甚至多過某啲放題店，飯軟綿魚新鮮，size是一口一件，好味又方便。炸物無驚喜，炸定的不熱，勝在唔油，自己在爐上加熱吧。再叫了刺身，燒肉，海鮮等，一點即到無漏單，不用等，叫幾多黎幾多喎。食到咁上下又係時候燒粟米同燒菠蘿，粟米非超甜粟，但還算不錯。菠蘿一定要叫，勁甜勁多汁，encore左好多呀～仲有呢個榴槤炸蛋依然咁正，榴槤