大澳德發 (已結業)

今日又同朋友黎食大奧德發啦，事源有朋友話最近都無乜食到海鮮，咁一開返堂食就決定黎食下好野我地點左幾個菜，包括酒香凍鮑魚椒鹽焗鮑魚黃金海中蝦金磚豆腐拼花枝餅豆豉炒蟶子菠蘿拔絲咕嚕肉小炒王基本上款款既菜式都值回票價，味道唔錯，特別推介以下幾款酒香凍鮑魚，一咬落口首先有淡淡既酒香滲出，繼而食到既係鮑魚同埋凍湯既甜味，鮑魚經酒浸過後更加煙韌爽彈，鮑魚既鮮甜味亦可以保留到，而且酒味唔太濃，適合各人口味金磚豆腐拼花枝餅，金磚豆腐非常非常滑，豆腐外層炸得薄薄地，入口先係香脆既外層，之後立即溶化，滑得黎而不失黃豆香；另外花枝餅口感略似平時既肉餅，但有不少花枝粒，肉餅軟滑而係幾厚，可以鎖住肉汁黃金海中蝦食落口就知道海蝦好新鮮，肉質結實彈牙，炸得好脆加埋咸蛋既香味，送飯一流小炒王實在要讚，因為小炒王用料豐富，各種既蝦米蝦干令到韭菜花嘅味道充滿濃烈既海鮮咸香味，我自己最鐘意既就係菜圃，甜甜咸咸既味道食落又爽口，真係會食多幾碗飯架！