Ali-Oli Bakery Cafe (已結業)

是日做節要過海同家人食飯，食完飯行去搭車返屋企時，經過呢間CAFE，諗起佢D 甜點好似唔錯，就決定入黎買返件cake帶返屋企做宵夜。入到去一個客人都無，姐姐係度執緊野，睇黎就快收工啦喎。見到蛋糕有幾款選擇，blueberry cheese cake，sacher cake，black forest等，眼見後兩者幾吸引，就問個位姐姐sacher cake 同 black forest 邊隻佢會推介多d，個個姐姐話佢覺得black forest 會好d因為sacher cake個味道會太甜太濃，所以我就聽佢建議揀左black forest。件蛋糕返到屋企擺左入雪櫃，半夜先再拎出黎食。蛋糕表面有好多朱古力碎，食既時候件蛋糕仲keep到幾鬆軟，有幾好香濃既朱古力味。中間有兩層朱古力mousse，食落好滑而且味道唔會太甜，都ok 喎。蛋糕中仲會有D butter cream，好彩唔係好多因為我唔係太鍾意隻味。另外仲有d 黑加侖子啫喱，可以中和返d朱古力既甜味，唔錯呀。總結呢件蛋糕宵夜都幾滿意，眼見樓下食評原來對sacher cake既comment都ok，下次又買黎試下先。=)