大澳德發 (已結業)

銅鑼灣嘢食選擇多，今次朋友帶左我試呢間正宗水上人家菜既大澳德發☺️首先環境坐得闊落，侍應姐姐服務態度真係好好，整體感覺好舒服。👍🏻見埋個menu就知無黎錯😎食物方面，我哋叫咗：惹味卜卜蜆煲🤤：依個真係要讚，佢比埋gas爐我哋，上台先卜卜聲響😍，夠晒新鮮，而且蔥蒜風味十足，蜆鮮甜無砂。👍🏻最正係，食到咁上下，侍應會好細心咁幫我哋加魚湯同飯，將蜆湯煮成湯飯，個湯極鮮甜好味！喜出望外！🥺👍🏻👍🏻👍🏻三弄脆皮豬手：豬皮炸到脆卜卜，豬肉夠味有咸香，配埋佢嘅千島醬或者芥辣醬都一流！👍🏻海味雜菜煲：海味絕不欺場，蝦乾魷魚份量十足，湯底有海鮮香味，同一般餐廳食既淡口浸菜真係好唔同！👍🏻同行朋友加咗套餐，叫咗杯薏米水，清新解渴 ，仲包埋飯同例湯，我哋兩個最尾都飽到捧住個胃走！