影片
更多
2017-08-13
557 浏览
今期又係食火鍋的確無錯，近排同呢個鍋特別有緣，周不時行街都會見到佢蹤影，一不留神就會俾佢香味迷惑咗自自然然會行入去，重要食到如痴如醉好難控制，皆因佢真係食得太方便，只要有個鍋同湯就可以開餐，材料又可以千變萬化添，是日晚又心思思去咗見佢一面，火鍋店位於銅鑼灣SOGO百貨隔離一幢食肆裹面，係出面等位之時已聞到香濃麻辣香味籠罩住入得嚟就知道呢度係食四川麻辣火鍋，湯底好自然係麻辣湯底，不過都有過紅白鴛鴦鍋俾我地選擇要咗微辣，真係可以俾D想食嘅人試一試口味，唔食得辣都可以食番個清湯底，呢度仲會有一件紙圍裙俾你着，驚D湯同油會彈到衣服變成紅色又幾細心好啦終於開餐點咗呢度必食熱薦先來係花千骨，嘩未食已聞到濃濃辣醬浸入豬肋肉度就知幾嘢味，不過都要落鍋度滾大約十分鐘才可食到，至於肉質嫩滑鬆軟相當入味食落又唔算太辣可以接受必食推介另一款係功夫土豆片，將土豆切成薄薄一片片捲成花圖案買相精緻，放入鍋度一分鐘左右就可以食用唔係就會熔，入口爽滑晶凝通透而土豆片吸收咗湯汁食落又幾刺激食得火鍋梗係點都要食番碟肥牛咁先似樣，點咗手切美國雪花肥牛，肥牛脂肪平均分佈，入口鮮嫩肥美食落仲有陣牛so味再來係蜀味臘腸，又真係估到
入得嚟就知道呢度係食四川麻辣火鍋，湯底好自然係麻辣湯底，不過都有過紅白鴛鴦鍋俾我地選擇要咗微辣，真係可以俾D想食嘅人試一試口味，唔食得辣都可以食番個清湯底，呢度仲會有一件紙圍裙俾你着，驚D湯同油會彈到衣服變成紅色又幾細心
好啦終於開餐點咗呢度必食熱薦先來係花千骨，嘩未食已聞到濃濃辣醬浸入豬肋肉度就知幾嘢味，不過都要落鍋度滾大約十分鐘才可食到，至於肉質嫩滑鬆軟相當入味食落又唔算太辣可以接受必食推介
另一款係功夫土豆片，將土豆切成薄薄一片片捲成花圖案買相精緻，放入鍋度一分鐘左右就可以食用唔係就會熔，入口爽滑晶凝通透而土豆片吸收咗湯汁食落又幾刺激
食得火鍋梗係點都要食番碟肥牛咁先似樣，點咗手切美國雪花肥牛，肥牛脂肪平均分佈，入口鮮嫩肥美食落仲有陣牛so味
再來係蜀味臘腸，又真係估到臘腸都可以做材料，而且食落仲好香濃又唔覺得油膩，之後係太極雙滑，蝦膠入口爽滑彈牙好有口感
食到咁上下要食番個時蔬拼盤中和一下先冇咁熱氣。
最後食埋個特色寛粉，睇落好似清淡但將佢放入鍋吸收咗湯嘅精華食落又另一番風味，寛粉口感滑嘟嘟又幾好食
食咗咁耐點都要飲番杯特色飲品，西番蓮百香果汁解解渴，又係不知不覺中品嚐又香又辣正宗四川麻辣火鍋
张贴
