星林居雲南米線餐廳 (已結業)

今日行開尖沙咀， 心血來潮想食米線，諗起之前食個間星林居幾好食就諗住返去食多次。晏晝三點幾嘅時候都唔算多人唔使等位就入得， 入到去梗係嗱嗱聲嗌番碗米線，送就揀咗冬菇同埋水餃，湯底就揀就酸辣。米線嚟到嘅時候出晒煙，即刻試啖湯先！湯底係算幾香既， 揀咗小辣嘅我都覺得有啲辣，冬菇用蠔油蚊個十分入味，水餃就正正常常啦。米線質感十分煙銀，可惜份量太少，大食嘅朋友可能就要加底啦。鋪頭仲有其他餸菜例如腩肉、炸醬等等嘅配料都好似好吸引，下次再嚟一定會試晒佢地。