八幡屋日本料理 (已結業)

臨近收爐晚晚OT ,收工真係要食餐好嘅。好耐冇大吃特吃，所以收工就同成班同事黎左旺角放題。識食一定會食埋佢嘅升級優惠，因為可以試到大大隻甜蝦仲有生蠔燒黃和牛壽司，簡直見到都流晒口水。一如以往，刺身好新鮮好甜有質素。今次三文魚刺身仲切得好厚，每一啖都好肥美。生蠔就細細粒咁，配埋啲汁食落唔腥都不錯。燒和牛壽司大概五成熟，大fit！忍唔住食多咗幾舊。放題來講一定要食燒雞翼，日式燒雞翼好正宗好好味，食完一輪再畫紙叫第二輪。食到咁上下就嗌咗個牛肉鍋同烏冬，佢嘅牛肉鍋比出面多幾塊牛肉，入面好多配料好多菜，個湯底亦唔算好甜味道啱啱好，再另外叫個烏冬，擺落個鍋度一齊食，正呀！甜品方面，由於怕肥冇嗌到雪糕筒，但係嗌咗機構幾舊燒菠蘿，唔識猶自可一食停唔到口。表面嘅焦糖燒到脆脆地，配合埋菠蘿本身酸酸美味，而且好juicy，真係會令人忍唔住食多幾舊！