今次冬蔭公湯嘅辛辣（重手咗小小），加上酸味（適中）岩岩好，辣同酸絕對可以話係Prefect match，特別適合鍾意刺激味蕾嘅你，凍冰冰咁樣飲一飲成個人都暖哂
青咖哩雞肉
用青咖哩醬調味，通常搭配椰漿，令整體口感更加滑滑。加上要煮到雞肉嫩滑係好講師傅嘅手勢（我覺得今次嘅熟成程度係岩岩好），搭配新鮮蔬菜（蘿蔔，西蘭花，椰菜花）嘅顏色配對，口感同視覺都即時提升。不過今次嘅咖哩偏辣左小小，但非常適合送飯食。
青檸鮮烏頭魚爐
鮮烏頭魚喺呢道菜嘅主角，搭配青檸和香料一齊煮，味道清新。青檸🍋🟩嘅酸味估唔到同烏頭又咁夾啵，可以吊到個鮮味出嚟 。而家店舖會比多一兜汁，一邊煮魚一邊淋汁，咁就唔會煮到乾哂啦，呢一點好細心 。
馬拉盞炒通菜
一定要配白飯食，超級好送飯。
7
15
5
32
9
