四季煲仔飯

营业中

休息中

位於油麻地廟街的四季煲仔飯已經係好出名，所以排隊要排成30分鐘先食到絕對唔出奇，但今次黎到得好小人排隊，原來已靜靜地加了價，呢個唔重要，最重要係味道的確比以前差了。簡單的點了個窩蛋牛肉煲仔飯，等了大約十分鐘，煲仔飯來了，打開煲蓋的一刻，先把鮮雞蛋打落煲飯，撈幾下利用煲飯的熱量，煮熟生蛋，平心而論，牛肉醃得好味，肉質嫩滑，牛肉唔會煮得太熟，啱啱好，呢部份可保持水準。但係個飯真係完全唔掂，飯底好濕，水份太多，飯粒又無飯味，得好小飯焦。今次真係令本人有點失望，之前已經黎呢度食過好多次煲仔飯，以今次的味道算最差，希望店方改善呢方面的問題，否則排隊的人會越來越小。