壽記海鮮酒家

营业中

休息中

第一次嚟到榕樹灣食海鮮，打開openrice睇下邊間食評比較好，睇完大部分都係負評多過正評，終於搵到一間13比11，正評多2個。入到最入有個海景區，環境不錯但冇冷氣，夏天都食到一額汗海鮮選擇都算多，不過價錢真係好貴，賴尿蝦$35一両，貴妃蚌$50一隻，蜆$168一碟例牌，基本上冇一樣海鮮價錢算合理。最終點左五個菜，南乳什菜粉絲煲，無味兼且煮得好淋，菜又老又爛。蜜椒牛柳粒，尚算可以。椒鹽鮮魷，唔夠乾身粉太多無咬口。油鹽水蜆，配料小煮得唔好食。蝦乾鹹肉韭菜花，菜好淡但蝦乾好脆好鮮味，係成餐飯嘅亮點。最後叫左兩碗雲吞，亦係全晚最滿意最好味嘅。