天然甜品

营业中

休息中

其實每次去長洲，我都一定會去呢一間甜品店！甜品店入面有多款嘅糖水，有熱嘅有凍嘅。甜品平均都係20幾蚊一碗！佢有一種水晶波嘅配料，會加係好多嘅糖水入面！水晶波入面仲有芒果，又睇得又食得！除此之外，每次去必叫既，就係佢嘅海藻香芒卷同埋桂花香芒卷。今次去海藻香芒卷已經賣晒，好彩仲有桂花香芒卷！表面係用桂花啫喱皮，咬落去好有咬口，而且佢啲芒果都好甜！