大和牛石燒專門店 (已結業)

今次同朋友去咗「大和牛」，有性價比高嘅石板燒和牛同埋漢堡包，仲有生啤飲添！🥩日本A5和牛肉眼蓋100g ($148)石燒和牛，一共有7塊100g一個人都夠食，每一塊嘅油脂分布平均，唔會成口肥膏，由於係石燒嘅關係，生熟度可以自行控制，和牛入口即溶，肉味都幾出，場內有燒肉汁、海鹽同黑椒提供，可以跟返個人口味！和牛對得住個價錢，可以一試，性價比高！🐟炸魚塊（再+3）（跟套餐加$15）炸魚塊要趁熱食！🥩澳洲M6和牛小排200g ($218)澳洲和牛肉感重，不過無日本A5牛咁重牛味，表現中規中矩， 勝在喺石板燒，可以自行控制生熟度。🍔三重芝士軟殼蟹阿波尾雞蛋堡($85) 配小食及飲品有芝士嘅軟殼蟹味道非常濃郁，加埋菜同埋蕃茄咁就冇咁滯。一個人都夠哂㗎啦，因為都幾大個。🌽牛油粟米小食入面有好多選擇但今次揀咗粟米，不過就比較乾身。🍺札幌生啤(+$23)有啤酒泡，口感偏滑，推薦！同行友人一齊食，埋單唔洗$500，其他款式都有啲平嘅漢堡同埋石燒牛，餐廳位置都闊落，坐得都舒服，旁邊仲有自助吧可以比客人拎沙律、湯、飯同埋醬汁。值得推薦。👍🏻👍🏻👍🏻