影片
更多
2018-06-20
148 浏览
今日又黎到好多好野食既荃灣啦~朋友介紹呢間日本野話好高質好有日本feel, 所以今日就同屋企人黎試試啦! 我地坐係卡位到可以望到open kitchen同埋display左啲今日精選既海鮮出黎! 見到枱面有個frozen beer好似幾得意咁就決定要香梨味啦, 屋企人就叫左西柚氣酒~兩杯野上到黎都好驚喜, frozen beer好得意好似smooth啲wrapped cream咁, 飲落無咩梨味, 但係啤酒本身既苦味就少左好多, 幾岩女仔飲。 而杯西柚氣酒驚喜既地方係佢成杯係透明嫁! 我地仲以為會有啲粉紅色咁, 但飲落又好重西柚味喎! 刺身我地叫左侍應推薦既蒲村蠔一碟就六隻$128。佢每一隻都好肥美, 有少少海水味, 金屬味就無啦, 所以係大眾口味既蠔, 好好食!另外仲有兩隻牡丹蝦$116同埋赤貝$68。牡丹蝦就比我地食開既瘦左啲, 不過都好鮮味既! 赤貝一客只有兩片, 所以如果好鐘意食既或者好多人食既就要叫多一兩客啦~之後都係侍應推薦既燒喜之次魚$298, 姐係香港人叫開既大眼雞, 佢話要燒35分鐘, 所以我地都有啲擔心肉質會唔會好柴, 但黎到又唔會喎, 佢個皮燒到好脆, 肉質仲好嫩
而杯西柚氣酒驚喜既地方係佢成杯係透明嫁! 我地仲以為會有啲粉紅色咁, 但飲落又好重西柚味喎!
刺身我地叫左侍應推薦既蒲村蠔一碟就六隻$128。佢每一隻都好肥美, 有少少海水味, 金屬味就無啦, 所以係大眾口味既蠔, 好好食!
另外仲有兩隻牡丹蝦$116同埋赤貝$68。牡丹蝦就比我地食開既瘦左啲, 不過都好鮮味既! 赤貝一客只有兩片, 所以如果好鐘意食既或者好多人食既就要叫多一兩客啦~
之後都係侍應推薦既燒喜之次魚$298, 姐係香港人叫開既大眼雞, 佢話要燒35分鐘, 所以我地都有啲擔心肉質會唔會好柴, 但黎到又唔會喎, 佢個皮燒到好脆, 肉質仲好嫩滑, 佢唔講我都唔會知原來燒左咁耐。
跟住就係只要Menu有我都會叫既甲羅燒$88啦! 呢到係table side有人燒埋比你既, 佢有配青蔥增加口感同埋唔係送飯係用法包配既~ 我覺得如果要同日本比都係未得, 不過係香港食到都叫頂住癒先啦!
海膽天婦羅$98, plating都幾靚, 炸完既海膽都仲係好濕潤, 但就無左好多海鮮味, 平時唔感食海膽既人都應該接受到。
再黎就係我最鐘意既卷物啦, 我地叫左一份軟殼蟹牛油果卷$88 同埋一份海膽和牛卷$188。軟殼蟹係新鮮炸起嫁! 放入口仲熱辣辣, 正啊! 配埋順滑口感既牛油果, 呢個組合真係食幾多次都唔會厭!
海膽和牛卷既驚喜係一入口就有好香既火灸味, 再加上薄薄既和牛係入口即溶嫁, 好食! 佢入面包既係露筍, 唔會太生, 同出面既飯同和牛配合得好好! 值回票價啊~
张贴
